翻译:惡之華/欲求不滿

欲求不滿
作者：夏爾·皮耶·波德萊爾
譯者：木枚

本作品收錄於《惡之華》

怪異嘅女神，其黑同夜晚神似，
身處嘅麝香同雪茄香氣脈脈，
奧比巫術嘅傑作，草原嘅浮士德，
烏木旁嘅巫婆，午夜之子。

忠貞、鴉片、黑夜，我都鍾意，
同你嘴內嘅妙藥，愛喺其中充塞。
當我嘅欲望為你馳騁南北，
我嘅厭倦，暢飲於你雙眼嘅水池。

呢兩隻大黑眼，係你靈魂嘅氣窗，
無情魔鬼，燒我嗰陣請稍作退讓。
我唔係冥河，其胸懷九次將你接受，

唉呀放蕩嘅復仇女神，我無計
喺你卧榻嘅地獄變成冥后，
滅完你嘅志氣後再由得你吠。