庸言知旨/卷一

(漢文部分係個人翻譯)


ᠮᠠᠨᠵᡠ ᡤᡳᠰᡠᠨ ᡳ ᠮᡝᠰᡝᡳ ᠪᡝᠶᡝ ᡩᡝ ᠪᡳᠰᡳᡵᡝᠩᡤᡝ᠈ ᡠᡨᡥᠠᡳ ᡩᡝᡵᡤᡳ ᠰᠣᠯᡥᠣ᠈ ᠠᠮᠠᡵᡤᡳ ᠣᡵᠣᠰ᠈ ᠸᠠᡵᡤᡳ ᡥᠣᡳᠰᡝ᠈ ᠵᡠᠯᡝᡵᡤᡳ ᡤᠣᡵᠣᡴᡳᠨ ᡳ ᠮᡝᡳᠮᡝᠨᡳ ᠪᠠ ᡳ ᡤᡳᠰᡠᠨ ᡳ ᠠᡩᠠᠯᡳ᠈ ᡩᡠᡳᠨ ᡝᡵᡤᡳ ᠠᡳᠮᠠᠨ ᡥᠣᠨᠣ ᠴᡝᠨᡳ ᠪᠠ ᡳ ᡤᡳᠰᡠᠨ ᠪᡝ ᠸᠠᠯᡳᠶᠠᡵᠠᡴᡡ᠈ ᠰᠣᠩᡴᠣ ᡩᡝ ᠰᠣᠩᡴᠣᡳ ᡤᡳᠰᡠᡵᡝᡵᡝ ᠪᠠᡩᡝ ᠈ ᠮᡠᠰᡝ ᠠᠶᠠᠨ ᠰᡠᠸᠠᠶᠠᠨ ᡳ ᠮᠠᠨᠵᡠ ᠣᡶᡳ ᡝᠯᡝᠮᠠᠩᡤᠠ ᠪᡝᠶᡝᡳ ᠪᠠ ᡳ ᡤᡳᠰᡠᠨ ᠪᡝ ᡠᠯᡥᡳᡵᠠᡴᡡ᠈ ᠮᠠᠨᠵᡠᡵᠠᡵᠠᡴᡡ ᠣᠴᡳ ᡠᡨᡥᠠᡳ ᡩᠠ ᠰᡝᡴᡳᠶᡝᠨ ᠪᡝ ᠣᠩᡤᠣᡥᠣ ᡴᠠᡳ᠈ ᠠᡩᠠᡵᠠᠮᡝ ᡩᡝᡵᡝ ᡶᡳᠯᡨᠠᡥᡡᠨ ᠵᡳᠯᡝᡥᡠᠨ ᡳ ᠰᡝ ᡩᠣᡵᠣ ᠪᡝ ᠵᡠᠰᡝ ᠣᠮᠣᠰᡳ ᡩᡝ ᡨᠠᠴᡳᡥᡳᠶᠠᠮᠪᡳᠨᡳ᠉

咱们自己有满语,就跟东边的朝鲜、北边的俄罗斯、西边的回部、南边的蛮夷有各自的方言一样。四方部族尚且没有丢掉自己的方言,照旧说着,咱们身为尊贵的满洲人,反而不能理解自己的方言。不会说满语的话,就是忘记了本源,又怎么好意思腆着脸拿旧礼教训子孙呢?

ᠮᠠᠨᠵᡠ ᡤᡳᠰᡠᠨ ᠰᡝᡵᡝ ᠪᠠᡳᡨᠠ᠈ ᡠᠮᠠᡳ ᠪᡳᡨᡥᡝᡳ ᡝᡵᡩᡝᠮᡠ ᠴᠣᠣᡥᠠᡳ ᠮᡠᡨᡝᠨ ᠸᠠᡴᠠ᠈ ᠣᡳᠯᠣᡵᡳ ᡨᡠᠸᠠᠴᡳ᠈ ᠣᠶᠣᠮᠪᡠᡵᡝ ᠪᠠ ᠠᡴᡡ ᡤᡝᠰᡝ᠈ ᡨᡠᡨᡨᡠ ᠰᡝᠮᡝ ᠸᡝᠰᡳᡥᡠᠨ ᠵᠠᠯᠠᠨ ᡳ ᠮᠠᠨᠵᡠ ᠰᡝᠮᡝ ᠪᠨᠵᡳᡶᡳ᠈ ᠸᡝ ᠴᡳᡥᠠᠩᡤᠠᡳ ᡤᡳᠰᡠᠨ ᠪᡝ ᡨᠠᠴᡳᡵᠠᡴᡡ ᡥᡝᠯᡝ ᠣᡴᡳ ᠰᡝᠮᠪᡳ᠈ ᠶᠠᠰᠠ ᡧᠠᠨ ᡩᡝ ᠪᠠᡴᠴᡳᠯᠠᠪᡠᡥᠠ ᠪᠠᡳᡨᠠ ᠪᡝ ᡤᡝᡨᡠᡴᡝᠯᡝᡵᡝ ᠮᡠᠵᡳᠯᡝᠨ ᠪᡝ ᡨᡠᠸᠠᡵᠠ ᡨᡝᠮᡤᡝᡨᡠᠯᡝᡵᡝᠩᡤᡝ᠈ ᡤᡝᠮᡠ ᡤᡳᠰᡠᠨ ᡩᡝ ᠠᡴᡩᠠᡥᠠᠪᡳ᠈ ᠨᡳᠶᠠᠯᠮᠠ ᠪᡝ ᠠᠴᠠᡥᠠᡩᡝ ᡤᡳᠰᡠᡵᡝᠮᡝ ᠪᠠᡥᠠᠨᠠᡵᠠᡴᡡ᠈ ᡩᠠᠮᡠ ᠠᠩᡤᠠ ᡤᠠᡥᡡ ᡶᡳᡥᠠ ᠣᠴᡳ᠈ ᡤᡝᠯᡳ ᡤᡳᠶᠠᠨ ᡩᡝ ᠪᠠᠨᠵᡳᠨᠠᡵᠠᡴᡡ᠈ ᡤᡠᠸᠠ ᠮᡠᠰᡝ ᡩᡝ ᡩᠠᠯᠵᠠᡴᡡ ᡥᠠᠵᡳ ᠠᡴᡡ ᡴᠠᡳ᠈ ᡨᡝᡵᡝᡳ ᡨᡝᠮᡤᡝᡨᡠ ᠠᡴᡡ ᡤᡳᠰᡠᠨ ᠠᠯᠪᠠᡨᡠ ᡥᡝᡵᡤᡝᠨ ᠪᡝ ᡨᠠᠴᡳᡵᡝ ᠠᠩᡤᠠᠯᠠ᠈ ᠨᡝᠨᡝᡥᡝ ᠵᠠᠯᠠᠨ ᡳ ᡨᡠᡨᠠᠪᡠᡥᠠ ᡤᡳᠰᡠᠨ ᡠᠮᠠᡳ ᡝᡵᠰᡝ ᡩᡝ ᡳᠰᡳᡵᠠᡴᡡ᠈ ᡩᠣᡵᠣᠩᡤᠣ ᠠᡴᡡ ᠰᡝᡵᡝ ᠪᠠ ᠠᡴᡡ᠈ ᠮᡠᠰᡝ ᠰᠠᡴᡩᠠᠰᡳ ᠠᠩᡤᠠᡳ ᡝᡵᡤᡳ ᡴᡝᠰᡳ ᠰᡳᠮᡝᠨ ᠪᡝ ᡨᡠᠸᠠᡴᡳᠶᠠᡵᠠ᠈ ᠮᠠᡶᠠᡵᡳ ᠪᡝ ᠠᠯᡥᡡᡩᠠᡵᠠ ᠪᠠᡳᡨᠠ ᠪᡝ ᡴᡝᠴᡝᠮᡝ ᠶᠠᠪᡠᡵᡝ ᠣᠴᡳ᠈ ᡳᠨᡠ ᡶᡠᠯᡝᡥᡝ ᠪᡝ ᡴᡳᠴᡝᡵᡝ ᡝᠮᡠ ᡩᠣᡵᠣ ᡩᠠᠪᠠᠯᠠ᠈ ᡤᡝᠯᡳ ᠠᡳ ᡶᠠᠶᠠᠮᠪᡳᠣ᠈ ᡝᠯᡝᠮᠠᠩᡤᠠ ᡤᡡᡨᡠᠪᡠᠮᠪᡳᠣ᠈ ᡴᡳᠮᠴᡳᠴᡳ ᡝᠨᡩᡝᡵᡝᠣ᠉

说满语之事,跟文才武略不是一回事。表面上看好像没什么重要的地方,然而生为满洲贵胄,谁愿意不学说话想当哑巴呢?弄清楚眼耳所对之事、旌表心中意愿,都要靠说话。与人见面不会说话、只是张口结舌的话,又是不占理的。别人与咱们一点关系都没有,与其学他们那无稽之言村鄙之语,先祖留给我们的语言并不比之差。没有无礼之意,我们守着先祖这边的恩泽,勉力施行效法先祖之事,也是一个务本的道理罢了。又花费什么了吗?玷污什么了吗?细想之下有什么不明白吗?

ᠮᡠᠰᡝ ᠮᠠᠨᠵᡠ ᡩᠠᡩᡝ ᡤᡝᠮᡠ ᡤᠣᠯᠮᡳᠨ ᡧᠠᠨᠶᠠᠨ ᠠᠯᡳᠨ ᡳ ᠰᡠᠨ ᡩᡝᡴᡩᡝᡵᡝ ᠠᠮᠠᡵᡤᡳ ᡧᡠᡵᡩᡝᠮᡝ ᠪᠠᡩᡝ ᠪᠠᠨᠵᡳᠮᠪᡳᡥᡝ᠈ ᡨᡝᡳᠰᡠ ᡨᡝᡳᠰᡠ ᠠᡳᠮᠠᠨ ᡶᠠᠯᡤᠠ ᠪᡳᡶᡳ᠈ ᠮᡠᡴᡡᠨ ᡥᠠᠯᠠ ᠮᡝᡳᠮᡝᠨᡳ ᡝᠨᠴᡠ᠈ ᡨᡝ ᠪᡳᠴᡳᠪᡝ ᠮᡠᠰᡝᡳ ᡤᡠᡵᡠᠨ ᡳ ᡥᠠᠯᠠ ᠠᡳᠰᡳᠨ ᡤᡳᠣᡵᠣ ᠰᡝᠮᠪᡳ᠈ ᡝᠮᡝᠮᡠᠩᡤᡝ ᠵᠣᠣ ᡥᠠᠯᠠ ᠰᡝᠮᡝ ᡨᡠᡴᡳᠶᡝᡥᡝᠩᡤᡝ᠈ ᡨᡝᡵᡝ ᡠᠯᡥᡳᠴᡠᠨ ᠠᡴᡡ ᠪᡳᡤᠠᠨ ᡳ ᠨᡳᠶᠠᠯᠠᠮᠠᡳ ᡶᡝᠮᡝ ᠪᠠᠨᠵᡳᠪᡠᡥᠠᠩᡤᡝ᠈ ᡩᡠᡳᠪᡠᠯᡝᠴᡳ ᡠᡨᡥᠠᡳ ᡤᡡᠸᠠᠯᡤᡳᠶᠠᠨ ᡥᠠᠯᠠᠩᡤᠠ ᠪᡝ ᡤᡠᠸᠠᠨ ᡥᠠᠯᠠ ᠨᡳᠣᡥᡠᡵᡠ ᡥᠠᠯᠠᠩᡤᠠ ᠪᡝ ᠯᠠᠩ ᡥᠠᠯᠠ ᠰᡝᠮᡝ ᡨᡠᡴᡳᠶᡝᡵᡝ ᠠᡩᠠᠯᡳ᠈ ᡝᠯᡝ ᡶᡳᠶᠣᡴᠣᡵᠣᡥᠣᠪᡳ᠉ ᡠᡴᠰᡠᠨ ᡤᡳᠣᡵᠣ ᠰᡝᡵᡝᠩᡤᡝ ᡤᡠᡵᡠᠨ ᡳ ᡶᡠᡴᠵᡳᠨ ᡶᠣᠨᡩᡝ᠈ ᡠᡴᠰᡠᠨ ᠮᡠᡴᡡᠨ ᡳᠯᡤᠠᠮᡝ ᡨᠣᡴᡨᠣᠪᡠᡵᡝ ᡩᡝ ᡨᠠᡳᡯᡠ ᡩᡝᡵᡤᡳ ᡥᡡᠸᠠᠩᡩᡳ ᡳ ᡶᡳᠰᡝᠨ ᠵᠠᡳ ᡨᠠᡳᡯᡠ ᡥᠠᠨ ᡳ ᠠᡥᡡᠨ ᡩᡝᠣ ᡳ ᡤᠠᡵᡤᠠᠨ ᠪᡝ ᡠᡴᠰᡠᠨ᠈ ᡨᠠᡳᡯᡠ ᡥᠠᠨ ᡳ ᠠᠮᠵᡳ ᡝᠰᡥᡝᠨ ᡳ ᡝᠨᡝᠰᡝ ᠪᡝ ᡤᡳᠣᡵᠣ ᠰᡝᠮᡝ ᡶᠠᡴᠰᠠᠯᠠᠮᡝ ᡨᠣᡴᡨᠣᠪᡠᡥᠠᠪᡳ᠉ ᡨᡝᡵᡝᠴᡳ ᡤᡝᡵᡝᠨ ᠮᠠᠨᠵᡠᠰᠠᡳ ᡥᠠᠯᠠ ᠠᡳᠮᠠᠨ ᡳ ᡤᡝᠪᡠ ᠪᡝ ᠮᠠᠨᠵᡠ ᡤᡳᠰᡠᠨ ᡳ ᠪᡠᠯᡝᡴᡠ ᠪᡳᡨᡥᡝᡳ ᡩᠣᡵᡤᡳ ᠮᠠᠨᠵᡠ ᠰᡝᡵᡝ ᡤᡳᠰᡠᠨ ᡳ ᡶᡝᠵᡝᡵᡤᡳ ᠰᡠᡥᡝ ᡥᡝᡵᡤᡝᠨ ᡩᡝ ᠮᡠᠸᠠᡧᠠᠮᡝ ᡤᡝᠮᡠ ᠠᡵᠠᡥᠠᠪᡳ᠉ ᡤᡝᠯᡳ ᡥᠠᠨ ᡳ ᠠᡵᠠᡥᠠ ᠮᠠᠨᠵᡠᠰᠠᡳ ᠰᡝᡴᡳᠶᡝᠨ ᡝᠶᡝᠨ ᡳ ᡤᡳᠮᠴᡳᠨ᠈ ᠵᠠᡴᡡᠨ ᡤᡡᠰᠠᡳ ᠮᠠᠨᠵᡠᠰᠠᡳ ᠮᡠᡴᡡᠨ ᡥᠠᠯᠠ ᠪᡝ ᡠᡥᡝᡵᡳ ᡝᠵᡝᡥᡝ ᠪᡳᡨᡥᡝ ᡳ ᠵᡝᡵᡤᡳ ᡠᡩᡠᡩᡠ ᡥᠠᠴᡳᠨ ᠪᡳᡨᡥᡝ ᠪᡳ᠈ ᡴᡳᠮᠴᡳᠮᡝ ᠪᠠᡳᠴᠠᠮᡝ ᡤᡳᠩᡤᡠᠯᡝᠮᡝ ᡥᠠᡵᡤᠠᡧᠠᠴᡳ᠈ ᡝᠨᡩᡝᡵᠠᡴᡡ ᠠᠨᠠᠨ ᡳ ᡠᠯᡥᡳᠴᡳ ᠣᠮᠪᡳᡴᠠᡳ᠉ ᠣᠩᡨᠣᡵᡳ ᡳᡵᡤᡝᠨ ᡳ ᠠᠯᠪᠠᡨᡠ ᡤᡳᠰᡠᠨ ᠪᡝ ᠠᡴᡩᠠᠴᡳ ᠣᠵᠣᡵᠠᡴᡡ᠈ ᡶᡠᠰᡳᡥᡡᠨ ᡝᠶᡝᡵᠠᡥᡡ᠉

咱们满洲原本都在长白山东北一带生活,有各自的部族,族姓各异。现在咱们的国姓“爱新觉罗”,有人称为“赵”,这是无知村夫胡编乱造的,比较之下就好像称瓜尔佳姓为关、称钮钴禄姓为郎一样,更是胡诌八扯。宗室和觉罗是立国之初、宗族分定之时,太祖高皇帝一系和太祖兄弟一系称为宗室,太祖伯叔的后代称为觉罗。从此以后,众满洲部族之名都在《清文鉴》中“满洲”词条下的注解中有大致记载,又有《御制满洲源流考》《八旗氏族通谱》等数本书,详查恭诵,自然就可以依次明白了。粗野小民的胡言乱语不可以相信,有失下流。

ᠮᠣᠮᡠᠨ ᡩᡝ ᠵᡠᠸᡝ ᡥᡝᡵᡤᡝᠨ ᡳ ᡤᡝᠪᡠᡳ ᡝᠮᡨᡝᠯᡳ ᠨᡳᠩᡤᡝ ᠪᡝ ᡩᠠᠯᡩᠠᡵᠠᡴᡡ ᠰᡝᡥᡝᠪᡳ᠉ ᠮᡠᠰᡝ ᡤᡝᠪᡠ ᠠᡵᠠᡵᠠ ᡩᡝ ᠠᠮᠠᡳ ᡤᡝᠪᡠᡳ ᡠᠵᡠᡳ ᡥᡝᡵᡤᡝᠨ ᠪᡝ ᠪᠠᡳᡨᠠᠯᠠᠴᡳ ᠣᠵᠣᡵᠠᡴᡡᠩᡤᡝ ᡨᡝᡵᡝ ᡝᠮᡠ ᡥᡝᡵᡤᡝᠨ ᠪᡝ ᡩᠠᠯᡩᠠᡵᠠ ᠵᠠᠯᡳᠨ ᠸᠠᡴᠠ᠈ ᠨᡝᠨᡝᡥᡝ ᠠᠨᡳᠶᠠ ᡬᠣᡯᡠᠩ ᡥᠠᠨ ᡳ ᡥᡝᠰᡝᡳ ᠠᠮᠠ ᠵᡠᡳ ᡤᡝᠪᡠᡳ ᡠᠵᡠᡳ ᡥᡝᡵᡤᡝᠨ ᠪᡝ ᠵᡠᡵᠰᡠᠯᡝᠪᡠᠮᡝ ᠠᡵᠠᠴᡳ᠈ ᠠᡥᡡᠨ ᡩᡝᠣ ᡳ ᠠᡩᠠᠯᡳ ᠣᠮᠪᡳ ᠰᡝᠮᡝ ᡨᡝᡵᡝᠴᡳ ᠠᠮᠠ ᠵᡠᡳ ᡠᠵᡠ ᡥᠣᠯᠪᡠᠮᡝ ᡥᡝᡵᡤᡝᠨ ᠪᠠᡳᡨᠠᠯᠠᡵᠠ ᠪᡝ ᡶᠠᡶᡠᠯᠠᡥᠠᠪᡳ᠉

《礼记》有云:“二名不偏讳”(二字的名字中的单独一字不需避讳)。咱们起名的时候,父亲名字的首字是不可以用的,这不是为了避讳某个字,而是早年高宗谕旨“父子名字的首字重复使用的话,看起来跟兄弟一样”,因此禁止父子名字首字联用。

ᠠ ᡝ ᡳ ᡤᡳᠶᠠᠨ ᡩᡝ ᠨᡳᠶᠠᠯᠮᠠ ᡨᠠᠰᡥᠠ ᡝᡵᡳᠨᡩᡝ ᠪᠠᠨᠵᡳᠮᠪᡳ᠉ ᡝᡩᡝ ᠶᠠᠶᠠ ᠨᡳᠶᠠᠯᠮᠠ ᡤᡝᠮᡠ ᡨᠠᠰᡥᠠ ᡝᡵᡳᠨᡩᡝ ᡳᠯᡳᠴᡳ ᠠᠴᠠᠮᠪᡳ᠈ ᡨᡠᡨᡨᡠ ᠣᡶᡳ ᠮᡠᠰᡝᡳ ᡝᠵᡝᠨ ᡨᡠᠸᡝᡵᡳ ᠵᡠᠸᠠᡵᡳ ᠪᡝ ᠪᠣᡩᠣᡵᠠᡴᡡ᠈ ᡳᠨᡝᠩᡤᡳᡩᠠᡵᡳ ᡠᡵᡠᠨᠠᡴᡡ ᡨᠠᠰᡥᠠ ᡝᡵᡳᠨᡩᡝ ᡳᠯᡳᠮᠪᡳ᠈ ᠮᠠᠵᡳᡤᡝ ᡨᡝᡶᡳ ᠠᠮᠰᡠᠯᠠᡶᡳ᠈ ᠮᡠᡩᡠᡵᡳ ᡝᡵᡳᠨ ᡳ ᡠᠵᡠᡳ ᡴᡝᠮᡠ ᡩᡝ ᡠᡨᡥᠠᡳ ᠪᠠᡳᡨᠠ ᡳᠴᡳᡥᡳᠶᠠᠮᠪᡳ᠈ ᠠᠮᠪᠠᠰᠠ ᠪᡝ ᡩᠣᠰᡳᠮᠪᡠᡶᡳ ᡥᡝᠰᡝ ᠸᠠᠰᡳᠮᠪᡠᠪᡳ᠉ ᡳᠨᡝᠩᡤᡳᡩᠠᡵᡳ ᡝᠮᡠ ᠰᠣᠩᡴᠣ᠈ ᠮᠠᠵᡳᡤᡝ ᡥᠠᠯᠠᡵᠠ ᡤᡡᠸᠠᠯᡳᠶᠠᡵᠠ ᡥᠠᠴᡳᠨ ᠠᡴᡡ᠈ ᡨᡝᡵᡝ ᡨᡝᠨᡳ ᠠᠪᠠᡴᠠᡳ ᠶᠠᠪᡠᠨ ᡴᡠᠯᡠ ᠰᡝᡥᡝᠩᡤᡝ ᡳᠨᡠ᠈ ᠶᠠᠯᠠ ᡝᠨᡩᡠᡵᡳᠩᡤᡝ ᡥᠠᠨ ᠰᡝᠴᡳ ᠣᠮᠪᡳ᠉

阴阳之理中,人在寅时生活。因此无论是谁,都应该在寅时起床。所以我们的圣上不顾冬夏,每天必定在寅时起床,稍微坐一会儿就用膳,辰时一刻就开始处理政务、接见大臣、发布谕旨。每日照例,一点变化之处都没有。这才是“天行健”,果真可以成为圣主。

ᠨᡳᠶᠠᠯᠮᠠ ᡤᠠᠰᡥᠠ ᡤᡠᡵᡤᡠ ᡤᡝᠮᡠ ᠠᡧᡧᠠᡵᠠ ᠵᠠᡴᠠ ᠰᡝᠮᠪᡳ᠈ ᠠᠪᠠᡴᠠ ᠴᡳ ᠮᡝᡳᠮᡝᠨᡳ ᠪᠠᠨᡳᠨ ᠰᠠᠯᡤᠠᠪᡠᡶᡳ ᠠᡩᠠᠯᡳ ᠪᠠᠨᠵᡳᡥᠠᠪᡳ᠈ ᡨᡠᡨᡨᡠ ᠴᠣᡴᠣ ᡳ ᡨᡠᡴᡨᠠᠨ ᡥᡡᠯᠠᡵᠠᠩᡤᡝ ᡠᡵᡠᠨᠠᡴᡡ ᡨᠠᠰᡥᠠ ᡝᡵᡳᠨᡩᡝ᠈ ᡨᡠᡵᡤᡠᠨ ᠠᡩᠠᡵᠠᠮᡝ ᠰᡝᠴᡳ᠈ ᡨᡝᡵᡝ ᠸᡝᡳᡥᡠᠨ ᠵᠠᡴᠠ ᡳ ᠠᡧᡧᠠᠮᡝ ᡩᡝᡵᡳᠪᡠᡵᡝ ᡝᡵᡳᠨ ᠣᡶᡳ ᡴᠠᡳ᠉ ᡝᡵᡝᠪᡝ ᡨᡠᠸᠠᡥᠠᡩᡝ᠈ ᠶᠠᠶᠠ ᠨᡳᠶᠠᠯᠮᠠ ᡤᡝᠮᡠ ᠴᠣᡴᠣ ᡥᡡᠯᠠᠮᡝ ᡳᠯᡳᡶᡳ᠈ ᠰᡳᡨᡥᡡᠮᡝ ᠰᡳᡨᡥᡡᠮᡝ ᠰᠠᡳᠨ ᠪᡝ ᡨᠠᠴᡳᡵᠠᡴᡡᠴᡳ ᠣᠮᠪᡳᠣ᠉

人和飞禽走兽都称为“动物”,天生性情各异而一样生活。那鸡鸣必定在寅时,个中缘由如何说呢?那是因为(寅时)是活物开始活动的时间啊。这样看来,任何人都要闻鸡鸣而起,就可以孜孜不倦地不学好了。

ᡨᠣᠨᡩᠣ ᠰᡵᡝᠩᡤᡝ ᠮᡝᡳᠮᡝᠨᡳ ᡨᡝᡳᠰᡠ ᡩᡝ ᠮᡠᠵᡳᠯᡝᠨ ᠪᡝ ᡝᠮᡠ ᠣᠪᡠᠮᠪᡳ ᠰᡝᡵᡝ ᠪᡝ᠈ ᡠᠮᠠᡳ ᡩᠠᠴᡠᠨ ᠵᡝᠶᡝᠩᡤᡝ ᡩᡝ ᡶᡠᠨᡨᡠᠮᡝ ᠰᡝᠩᡤᡳᠯᡝᠮᡝ ᠠᡶᠠᡵᠠ ᠪᡝᠶᡝ ᠪᡝ ᠸᠠᠯᡳᠶᠠᡨᠠᡳ ᠣᠪᡠᡶᡳ ᡩᠠᡳᠨ ᡩᡝ ᡤᠠᡳᠪᡠᡵᡝ ᠪᡝ ᡨᡝᡳᠯᡝ ᡨᠣᠨᡩᠣ ᠪᡝ ᠠᡴᡡᠮᠪᡠᡥᠠ ᠰᡝᡵᡝᠩᡤᡝ ᠸᠠᡴᠠ᠈ ᡨᡝᠪᡳᠴᡳ᠈ ᠮᡠᠰᡝᡳ ᠠᠯᠪᠠᠨ ᡤᡝᠮᡠ ᡤᡠᡵᡠᠨ ᡳ ᡩᠠᠰᠠᠨ ᡳ ᡝᠮᡠ ᡶᡳᠶᡝᠨᡨᡝᡥᡝ᠈ ᡝᡩᡝ ᠵᠠᠪᡧᠠᡴᡳ ᠪᡝ ᠪᠣᡩᠣᡵᠠᡴᡡ ᡩᡝᡵᡤᡳ ᡥᠠᡶᠠᠨ ᠪᡝ ᡝᡳᡨᡝᡵᡝᡵᠠᡴᡡ ᠮᡠᠵᡳᠯᡝᠨ ᠪᡝ ᡨᡝᠩ ᠰᡝᠮᡝ ᠵᠠᡶᠠᡶᡳ ᠪᠠᡳᡨᠠ ᠪᡝ ᡠᠨᡝᠩᡤᡳᠯᡝᠮᡝ ᡳᠴᡳᡥᡳᠶᠠᡶᡳ ᠠᠮᠠᡤᠠ ᡳᠨᡝᠩᡤᡳ ᡳ ᡩᡠᡵᡠᠨ ᠠᠯᡥᡡᡩᠠᠨ ᠣᠪᡠᠴᡳ ᠣᠵᠣᡵᠣᠩᡤᡝ ᡠᡨᡥᠠᡳ ᠮᡠᠰᡝᡳ ᡨᡝᡳᠰᡠ ᡩᡝ ᡨᠣᠨᡩᠣ ᠠᡴᡡᠮᠪᡠᡥᠠ ᡴᠠᡳ᠉

忠,就是说要在各自本职上一条心,不是说冲锋陷阵舍身作战,最终战死沙场才能称为尽忠。譬如,咱们的差事都是国政一线的,因此不要算计小便宜、不要欺瞒上司,坚定心志,竭诚办事,日后可成楷模榜样,就是在咱们的本职上尽忠了。

ᠨᡳᠶᠠᠯᠮᠠᡳ ᠰᠠᡳᠨ ᠵᠠᡴ ᠵᡳᡵᠠᠮᡳᠨ ᡤᡡᠨᡳᠨ ᠪᡝ ᠠᠯᡳᡥᠠ ᠮᠠᠩᡤᡳ᠈ ᡴᠠᡵᡠ ᡩᡝ ᡴᠠᡵᡠ᠈ ᡠᠪᡠ ᡩᡝ ᡠᠪᡠ ᠰᡝᠮᡝ᠈ ᡠᡵᡠᠨᠠᡴᡡ ᡴᠠᡵᡠᠯᠠᡵᠠ ᠪᡝ ᡴᡳᠴᡝᡵᡝ ᠪᠠᡩᡝ᠈ ᠠᠮᠠ ᡝᠨᡳᠶᡝᡳ ᠠᠵᡳᡤᡝᠨ ᠴᡳ ᡠᠯᡝᠪᡠᠮᡝ ᡨᡝᠪᡝᠯᡳᠶᡝᠮᡝ ᠪᠠᡤᡳᠶᠠᠮᡝ ᡴᠠᡴᠠᠮᡝ ᡤᠣᠰᡳᠮᡝ ᡥᡡᠸᠠᡧᠠᠪᡠᡵᡝ ᡩᡝ ᠵᠣᠪᠣᠮᡝ ᠰᡠᡳᠯᠠᡥᠠ ᡤᠣᠰᡳᡥᠣᠨ ᡤᡡᠨᡳᠨ ᠪᡝ ᠠᡳ ᡥᡝᠨᡩᡝᡠᡵᡝ᠈ ᡨᡝᡵᡝ ᡩᠠᡩᡝ ᠮᡠᠰᡝᡳ ᠪᡝᠶᡝ ᠠᠮᠠ ᡝᠨᡳᠶᡝ ᡳ ᠪᡠᡥᡝᠩᡤᡝ ᡴᠠᡳ᠈ ᠶᠠᠶᠠ ᠪᠠᡳᠯᡳ ᡝᡵᡝᠴᡳ ᠵᡳᡵᠠᠮᡳᠨ ᡠᠵᡝᠨ ᠨᡳᠩᡤᡝ ᡤᡝᠯᡳ ᠪᡳᠣ᠈ ᡝᡵᡝᠪᡝ ᡤᡡᠨᡳᡥᠠᡩᡝ᠈ ᠠᡳ ᡥᠠᠴᡳᠨ ᡳ ᠪᠠᡳᠯᡳ ᠵᠠᡶᠠᡴᡳ ᠰᡝᡥᡝ ᠰᡝᠮᡝ ᡨᡠᠮᡝᠨ ᡩᡝ ᡝᠮᡤᡝᡵᡳ ᡨᡝᡥᡝᡵᡝᠪᡠᠮᡝ ᠮᡠᡨᡝᠮᠪᡳᠣ᠉

别人的好物厚恩受了之后,尚且说善有善报恶有恶报,必定勤勉报答,何况爹娘从小供食怀抱、把屎把尿养大,劳累辛苦呢?这本就是咱们的身体是爹娘给的啊,任何恩情还有比这个大的吗?这样一想,以任何方式报恩能及得上万分之一吗?

ᡥᡳᠣᠣᡧᡠᠨ ᠰᡝᡵᡝ ᡤᡳᠰᡠᠨ ᠵᡠᡳ ᠣᡥᠣ ᠨᡳᠶᠠᠯᠮᠠ ᡳ ᡤᡡᠨᡳᠨ ᠠᡴᡡᠮᠪᡠᡵᡝ ᡩᡝᠪᡳ᠈ ᡠᠮᠠᡳ ᡝᠨᠴᡝᡥᡝᠨ ᡥᡡᠰᡠᠨ ᡩᡝ ᠠᡴᡡ᠈ ᡠᡩᡠ ᠮᡠᠸᠠ ᠪᡠᡩᠠ ᡠᠯᡝᠪᡠᠮᡝ ᠮᡠᡴᡝ ᠣᠮᡳᠪᡠᠮᡝ ᡠᡳᠯᡝᠴᡳᠪᡝ᠈ ᠨᡳᠶᠠᠯᠮᠠ ᡳ ᠰᡝᡵᡝᠪᡠᡵᡝ ᠣᠩᡤᠣᠯᠣ ᡨᠣᠰᠣᠮᡝ ᡤᡡᠨᡳᠨ ᠠᡴᡡᠮᠪᡠᠮᡝ ᠮᡠᡨᡝᠴᡳ ᡠᡨᡥᠠᡳ ᡥᡳᠶᠣᠣᡧᡠᠩᡤᠠ ᠰᡝᠮᠪᡳ᠈ ᡨᡝᡵᡝ ᡤᠠᠵᡳ ᠰᡝᡥᡝ ᠪᡝ ᡨᡠᠸᠠᠮᡝ ᠠᠴᠠᠪᡠᡵᡝᠩᡤᡝ ᡝᡳᡨᡝᡵᡝᠮᡝ ᡝᠯᡤᡳᠶᡝᠨ ᡨᡠᠮᡳᠨ ᡳ ᡴᠠᡵᡠᠯᠠᠮᡝ ᠠᠯᡳᠪᡠᡥᠠ ᠰᡝᠮᡝ ᠈ ᠨᠠᠨᡩᠠᠪᡠᡥᠠᠩᡤᡝ ᡩᠠᠪᠠᠯᠠ᠈ ᠠᡳ ᡩᠠᠪᡠᡶᡳ ᡤᡳᠰᡠᡵᡝᡵᡝ ᠪᠠᠪᡳ᠉

所谓孝顺,在于为人子的(人)尽心,并不在于家财权势,即使粗茶淡饭地奉养,只要能在父母发话前提前尽心,就是孝顺的了。那种看(父母)说了“要”了的才去迎合的人,即使虚情假意地大力奉承,也是被要求(这样做)罢了,有什么值得说的呢?

ᡤᡳᡵᡠᡨᡠ ᠰᡝᡵᡝ ᡥᡝᡵᡤᡝᠨ ᠨᡳᠶᠠᠯᠮᠠ ᡩᡝ ᡥᠣᠯᠪᠣᠪᡠᡥᠠᠩᡤᡝ ᡠᠮᡝᠰᡳ ᡠᠵᡝᠨ ᠈ ᡨᡝᠪᠴᡳ ᠪᡝᠶᡝᡩᡝ ᡤᡡᠨᡳᠨ ᠠᡴᡡ ᡳ ᡝᠨᡩᡝᠪᡠᡴᡠ ᠪᡳᡶᡳ ᡝᠮᡠ ᠴᡳᠮᠠᡵᡳ ᠠᠨᡩᠠᠨᡩᡝ ᠰᡝᡵᡝᡶᡳ ᡤᡳᡵᡠᠴᡳ ᡠᡵᡠᠨᠠᡴᡡ ᡳᠯᡳᡥᠠᡳ ᡤᠠᡳᡥᠠᡵᡳ ᡥᠠᠯᠠᠮᠪᡳ᠈ ᠠᡳᡴᠠ ᡤᡡᠸᠠ ᠨᡳᠶᠠᠯᠮᠠᡳ ᠶᠠᠪᡠᠨ ᠪᡝᠩᠰᡝᠨ ᡩᡝ ᡳᠰᡳᡵᠠᡴᡡ ᠪᠠ ᠪᡳᡶᡳ ᠈ ᡤᡳᡵᡠᠮᡝ ᠰᠠᠴᡳ᠈ ᡠᡵᡠᠨᠠᡴᡡ ᠮᡠᠵᡳᠯᡝᠨ ᠰᡳᡨᡥᡡᡶᡳ ᡥᡡᠰᡠᠨ ᡳ ᡝᠪᠰᡳᡥᡝ ᡴᡳᠶᠠᠩᡩᡠᠯᠠᠮᡝ ᡴᡳᠴᡝᠮᠪᡳ᠈ ᡝᡵᡝ ᡳᠨᡳ ᠴᡳᠰᡠᡳ ᠪᠠᠨᠵᡳᠨᠠᡵᠠ ᠪᡠᠶᡝᠨᡳᠨ ᡤᡳᠶᠠᠨ᠈ ᡠᡨᡨᡠ ᠣᡶᡳ ᡩᠠᠮᡠ ᡤᡳᡵᡠᡵᡝ ᠪᡝ ᠰᠠᠴᡳ ᡨᡝᡨᡝᠨᡩᡝᡵᡝ ᡥᠠᠯᠠᡵᠠ ᡴᡳᠴᡝᡵᡝ ᡩᡝ ᡥᡡᠰᡠᡨᡠᠯᡝᡵᠠᡴᡡᠩᡤᡝ ᠵᠠᡳ ᠠᡴᡡ᠈ ᠨᡳᠶᠠᠯᠮᠠ ᡳ ᠪᡝᠶᡝᠪᡝ ᡨᡠᠸᠠᠨᠴᡳᠶᠠᡵᠠ ᡩᡠᡴᠠ ᠰᡝᡵᡝᠩᡤᡝ ᡝᡵᡝᠪᡝ ᡴᠠᡳ᠉

羞耻一字与人的关系非常重,譬如有了自身无意的过失,一朝猛然醒悟,感到羞耻的话必定立即改成。如果有不如别人的行为本领的地方,知道羞耻的话,必定心志勤勉、全力振奋。这就是他的自然情感之理,所以既然知道羞耻,凭着改成勤勉,不努力的人是没有的。人的修身之门说的就是这个啊。

ᠶᠠᠶᠠ ᡝᠮᡠ ᠵᡝᡵᡤᡳ ᠸᡝᠰᡳᡴᡝ᠈ ᡝᠮᡠ ᡨᠠᠩᡴᠠᠨ ᡳᠪᡝᡥᡝᠩᡤᡝ᠈ ᡤᡝᠮᡠ ᠪᡝᠶᡝᡳ ᠵᠣᠪᠣᠮᡝ ᡴᡳᠴᡝᡥᡝ ᡶᠠᡧᡧᠠᠨ᠈ ᠪᠠᡥᠠ ᠮᠠᠩᡤᡳ ᠠᠯᠪᠠᠨ ᡩᡝ ᡝᠯᡝ ᡶᡠᠨᡨᡠᡵᡧᠠᠮᡝ ᡴᡳᠴᡝᠮᡝ᠈ ᠪᠠᡳᡨᠠ ᡩᡝ ᡝᠯᡝ ᡠᠨᡝᠩᡤᡳᠯᡝᠮᡝ ᡤᡡᠨᡳᠨ ᠠᡴᡡᠮᠪᡠᠮᡝ ᡶᠠᡧᡧᠠᠴᡳ ᠠᠴᠠᠮᠪᡳ᠉ ᠠᡳᡴᠠ ᡥᡠᠸᡝᡴᡳᠶᡝᡶᡳ ᡴᠠᠩᡨᠠᡵᡧᠠᠮᡝ ᠠᡵᠪᡠᡧᠠᡵᠠ᠈ ᡝᡳᠴᡳ ᠸᡝᡵᡳ ᡳ ᡥᡠᠸᡝᡴᡳᠶᡝᠨ ᡩᡝ ᡩᠣᠰᡳᡶᡳ᠈ ᡠᡵᡴᡳᠨ ᠪᡝ ᡩᠠᡥᠠᠮᡝ ᠰᠠᡵᡤᠠᡧᠠᡵᠠ ᠣᠴᡳ᠈ ᡨᡝᡵᡝ ᡠᡨᡥᠠᡳ ᡶᡝᠩᡧᡝᠨ ᡝᡨᡝᡵᠠᡴᡡ᠈ ᠵᠠᡴᠠ ᠪᡠᠶᠠ ᠵᠠᠯᡠᡵᡝ ᠵᠠ ᠰᡝᡵᡝᠩᡤᡝ ᠠᡳ ᡩᠠᠪᠠᠯᠠ᠉

升了一级,晋了一阶,都是自己辛劳勤奋的成果,有了以后差事上要更尽力勤勉,公务上要更竭诚尽心。如果奋斗之后就趾高气昂手舞足蹈,或者跟着别人一起沉迷于声色犬马的话,那就是受不起福、器小易盈什么的罢了。

ᠠᠯᠪᠠᠨ ᡴᠠᡵᠠ ᠨᡳᠶᠠᠯᠮᠠ ᡩᡝ ᡳᠯᠠᠨ ᠣᠶᠣᠩᡤᠣ ᠪᡳ᠈ ᡠᠵᡠ ᡩᡝ ᡩᡝᡵᡝ᠈ ᠶᠠᠶᠠ ᡩᡠᡴᠰᡝᡵᡝ ᡤᡳᡵᡠᡵᡝ ᠪᠠᡳᡨᠠ ᠪᡝ ᡨᠠᡵᡤᠠᠴᡳ ᠠᠴᠠᠮᠪᡳ᠈ ᠵᠠᡳ ᡩᡝ ᠮᡠᡨᡝᠨ᠈ ᡨᡠᡧᠠᠨ ᡳ ᡩᠣᡵᡤᡳ᠈ ᠪᠠᡳᡨᠠ ᠪᡝ ᡤᡡᠨᡳᠨ ᡤᡳᡵᡴᡡᡶᡳ ᡨᠠᠴᡳᠴᡳ ᠠᠴᠠᠮᠪᡳ᠈ ᡳᠯᠠᠴᡳ ᡩᡝ ᡴᡳᠴᡝᠪᡝ᠈ ᠵᠠᠪᡧᠠᠨ ᠪᡝ ᡥᡝᡦᡝᡵᡝᡵᡝ ᠈ ᠵᠣᠪᠣᡵᠣ ᠪᡝ ᠰᡳᠯᡨᠠᡵᠠ ᠣᠴᡳ ᠣᠵᠣᡵᠠᡴᡡ᠈ ᡠᠨᡝᠩᡤᡳ ᡥᡡᠰᡠᠨ ᡳ ᡶᠠᡧᡧᠠᠴᡳ ᠠᠴᠠᠮᠪᡳ᠉ ᡩᡝᡵᡝ ᠪᡝ ᠠᡳᡴᠠ ᠨᡝᠨᡝᠮᡝ ᠸᠠᠵᡳᠴᡳ᠈ ᡤᡳᠴᡠᡴᡝ ᠮᠠᠩᡤᡳ᠈ ᠠᡩᠠᡵᠠᠮᡝ ᡤᡝᡵᡝᠨ ᡩᡝ ᡨᡠᠸᠠᠪᡠᠮᠪᡳ᠈ ᡠᡨᡥᠠᡳ ᠶᠠᠮᡠᠨ ᡳ ᡩᠣᡵᡤᡳ ᡤᡠᠴᡠ ᡥᠠᡶᠠᠰᠠᡳ ᡝᠮᡤᡳ᠈ ᠣᡶᠣᡵᠣ ᠶᠠᠰᠠ ᡝᠮᡠ ᠪᠠᡩᡝ ᡶᡠᠮᡝᡵᡝᡵᡝ ᡩᡝ ᠈ ᡳᠨᡠ ᡤᠠᡳᡨᠠᡳ ᡤᠠᡳᡨᠠᡳ ᡩᡝᡵᡝ ᠰᠣᡵᠣᠴᠣᠮᠪᡳᡴᠠᡳ᠉

当差之人,有三点要紧:一是脸面,任何羞耻脸红之事都应该戒止;二是本事,在任内要专心致志学习做事;三是勤奋,占小便宜、推诿偷懒都不可以,应尽心竭力奋斗。脸面如果先丢了,羞耻以后,怎么叫众人看你呢?就是衙门里的朋友同事,一起鼻子眼睛混在一块(看你),也是一瞬间就会不好意思的啊。

ᠰᠠᡴᡩᠠᠰᠠ ᠮᡠᠰᡝ ᠪᡝ ᠵᡠᠰᡝᡳ ᡶᠣᠨᠴᡳ ᡥᡡᠸᠠᡧᠠᠪᡠᠮᡝ ᡠᠵᡳᠮᡝ ᡩᡝ᠈ ᠠᠨᡨᠠᡴᠠ ᠣᠣᡵᡳ ᠰᡳᠮᡝᠨ ᠪᡝ ᠸᠠᠴᡳᡥᡳᠶᠠᡥᠠ᠈ ᠨᡳᠮᡝᡵᡝ ᠶᠠᠩᡧᠠᡵᠠ ᡩᡝ ᠈ ᠠᠨᡨᠠᡴᠠ ᠨᡳᠶᠠᠮᠠᠨ ᡳ ᠰᡝᠩᡤᡳ ᠪᡝ ᠣᠯᡥᠣᠪᡠᡥᠠ᠈ ᡩᡝᡵᡝ ᡶᠣᠨᡩᡝ᠈ ᠠᡳᡴᠠ ᡝᡵᡤᡝᠨ ᡥᠠᠵᡳ᠈ ᠮᡠᠵᡳᠯᡝᠨ ᡥᡡᠰᡠᠨ ᠪᡝ ᡥᠠᡳᡵᠠᠮᡝ ᡶᡠᠨᠴᡝᠪᡠᠮᡝ ᠠᠰᠠᡵᠠᡴᡳ ᠰᡝᡥᡝ ᡤᡡᠨᡳᠨ ᠮᠠᠵᡳᡤᡝ ᠪᡳᡥᡝᠣ᠈ ᠠᡴᡡ ᡴᠠᡳ᠉ ᠮᡠᠰᡝ ᡠᡩᡠ ᡥᡳᠶᠣᠣᡧᡠᠯᠠᡵᠠ ᡩᠣᡵᠣ ᠪᡝ ᡥᠣᠨ ᡠᠯᡥᡳᡵᠠᡴᡡ ᠪᡳᠴᡳᠪᡝ᠈ ᡨᠣᠣᡩᠠᠮᡝ ᡴᠠᡵᡠᠯᠠᡵᠠ ᡥᡳᠩ ᠰᡝᡵᡝ ᡥᡡᠨᡳᠨ ᠪᡝ ᠮᡠᡨᡝᡵᡝᡳ ᡨᡝᡳᠯᡝ ᠠᡴᡡᠮᠪᡠᡵᠠᡴᡡ ᠣᠴᡳ᠈ ᡩᠣᠯᠣ ᡨᡝᠪᠴᡳᠮᠪᡳᠣ᠈ ᠠᠪᠠᡴᠠ ᡳᠨᡠ ᠠᡳᠨᠠᡥᠠᡳ ᠣᠵᠣᡵᠣ᠉

老人把咱们从小时候养育大,多么耗精神。(咱们小时候)生病烦躁时,何等地耗干心血。那时候,如果想要惜身子、额外惜心血存力气,这种想法有过吗?没有啊。咱们即使不很理解孝道,如果回报的诚意没有竭尽所能,忍心吗?老天又怎会允许。

ᠶᠠᡥᠠ ᡩᠠᠮᠪᠠᡤᡠ᠈ ᡶᠣᠮᠣᡵᠣ ᡩᠠᠮᠪᠠᡤᡠ᠈ ᠨᡠᡵᡝ᠈ ᠨᡳᠶᠠᠨᡳᠶᠣᠨ ᡳ ᠵᡝᡵᡤᡳ ᠵᠠᡴᠠ ᠪᡝ᠈ ᠮᡠᠰᡝᡳ ᠵᡠᠰᡝ ᡩᡝ ᡠᠮᡝ ᡨᠠᠴᡳᠪᡠᡵᡝ᠈ ᡩᠠᠮᠪᠠᡤᡠ ᡤᠣᠴᡳᡴᠠ ᠨᡠᡵᡝ ᠣᠮᡳᡥᠠ ᠰᡝᠮᡝ᠈ ᠣᠮᡳᠩᡤᡝ ᠵᡝᠮᡝᠩᡤᡝ ᡩᡝ ᡩᠠᠩᠨᠠᠴᡳ ᠣᠵᠣᡵᠠᡴᡡ ᠪᡳᠮᡝ᠈ ᡥᠠᠴᡳᠨ ᡥᠠᠴᡳᠨ ᡩᡝ ᡤᡝᠮᡠ ᡴᠣᡵᠣ ᠪᠠᡥᠠᡵᠠ ᠪᠠᠪᡳ᠉ ᡩᡝᡴᡩᡝᠨᡳ ᡤᡳᠰᡠᠨ ᠠᠵᡳᡤᠠᠨ ᠴᡳ ᡥᡡᠸᠠᡧᠠᠪᡠᡥᠠᡩᡝ ᠠᠪᡴᠠᡳ ᠪᠠᠨᡳᠨ ᡳ ᠠᡩᠠᠯᡳ᠈ ᡨᠠᠴᡳᠮᡝ ᡳᠯᡳᠮᠪᠠᡥᠠᡩᡝ ᡳᠨᡳ ᠴᡳᠰᡠᡳ ᠣᡥᠣ ᠠᡩᠠᠯᡳ ᠰᡝᡥᡝᠪᡳ᠈ ᡨᡝ ᡨᠠᠴᡳᠮᡝ ᡩᡠᠪᡳᡶᡳ᠈ ᠮᡠᡨᡠᡥᠠ ᠮᠠᠩᡤᡳ᠈ ᡨᡝᠨᡳ ᡨᠠᡵᡤᠠ ᡥᠠᠯᠠ ᠰᡝᠴᡳ ᠮᠠᠩᡤᠠ ᡴᠠᡳ᠈ ᡨᡝᡵᡝ ᠠᠩᡤᠠᠯᠠ᠈ ᡠᠨᡝᠩᡤᡳ ᡳᠮᠪᡝ ᠵᡠᠰᡝ ᠨᡳᠶᠠᠯᠮᠠ᠈ ᠪᠠᡳᡨᠠ ᠠᡴᡡ ᡩᡝ ᡨᠣᠣᡴᠠᠪᡠᡵᡝ ᡝᡶᡳᡵᡝ ᡨᠣᠨ ᠣᡴᡳᠨᡳ ᠰᡝᠴᡳ᠈ ᡝᡵᡝ ᡧᠣᠯᠣ ᡩᡝ ᠠᡳᠨᡠ ᡳᠨᡩᡝ ᡶᡠᠰᡠᡵᡝ ᡝᡵᡳᡵᡝ ᠵᠠᠪᡠᡵᡝ ᠠᠴᠠᠪᡠᡵᡝ ᡳᠪᡝᡵᡝ ᠪᡝᡩᡝᡵᡝᡵᡝ ᠵᡠᠰᡝᡳ ᡩᠣᡵᠣ ᠪᡝ ᡨᠠᠴᡳᠪᡠᡵᠠᡴᡡ ᠨᡳ᠈ ᠠᠮᠪᠠᡴᠠᠨ ᠵᡠᠰᡝ ᠣᡥᠣᡩᡝ᠈ ᡥᡳᠶᠣᠣᡧᡠᠨ ᡩᡝᠣᠴᡳᠨ ᡨᠣᠨᡩᠣ ᠠᡴᡩᡠᠨ ᡳ ᠪᠠᡳᡨᠠ ᠪᡝ ᡳᠨᡝᠩᡤᡳᡩᠠᡵᡳ ᡝᡵᡩᡝ ᠴᡳ ᠶᠠᠮᠵᡳᡨᠠᠯᠠ᠈ ᠶᠠᠪᡠᠮᡝ ᡝᠯᡝᡵᠠᡴᡡ ᡴᠠᡳ᠈ ᡨᡝ ᠴᡳ ᠵᡠᠰᡝᡳ ᡩᠣᡵᠣ ᡳ ᡳᠯᡩᡠᠨ ᡩᡝᡵᡳ ᡥᡡᠸᠠᡧᠠᠪᡠᠮᡝ ᡤᠠᠮᠠᠴᡳ᠈ ᡝᡵᡝ ᠵᡝᡵᡤᡳ ᡨᡠᠯᡤᡳᠶᡝᠨ ᡩᡝᠮᡠᠨ ᠪᡝ ᠶᠠᡵᡥᡡᡩᠠᠮᡝ ᡨᠠᠴᡳᠪᡠᡵᡝ ᠴᡳ ᠠᡳ ᡩᠠᠯᠵᡳ᠉

旱烟、鼻烟、酒和槟榔等物,不要教给咱们的孩子。所谓抽烟喝酒等不可充当饮食,而且样样都有危害。常言道:“少成若天性,习惯成自然”。现在学习惯了,长大以后才说要戒止改正,难啊。况且,即使说他是个孩子,无所事事时当做消遣游戏的玩意儿,那有这个空闲,为什么不教他洒扫应对进退的孩童之礼呢。孩子长大以后,孝悌忠信的事情每天从早到晚也行不足啊。从现在起把孩童之礼捎带着教给(孩子),这样比另外教些旁的别的强多了。