此页尚未校对
？日閒坐在厛堂 心內暗自來思存 阿枝数日無来到 不知一身往何方
無非去在那宝塲 正無思想回家鄉 喚出安人共媳妇 問看伊身乜言章
叫他前来问分明 免使老傼掛心胸 想罢就共忠厚說 速入後厛勿遲停
入內去請老安人 並仝大娘二娘身 請他一斉到厛上 說我有言对他陈
忠厚领命到後厛 就共安人說一声 员外命我來請尔 並二阿娘一仝行
安人一聞家丁言 帶领媳妇二个人 一斉來到大厛上 相见员外在厛中
二媳上前见礼宜 员外叫伊坐一边 婆媳一仝来坐下 安人開口问因依
员外叫阮出來臨 未知豈有乜事因 望你說明阮知道 免阮婆媳來掛心
