Page:CADAL13030464 古板新造三合奇巧奇緣全歌（卷一至卷三）.djvu/63

我去伴嫂一個人　餘無别說此實言　劉媽罵聲野賤婢　還敢巧言推西東
我且問尔這事机　他亦來得有几時　平是女流乜恩愛　夜日不甘割捨離
閉緊房門抱哭哀　情迹踦蹺事可知　還不實呾敢強辯　慧娘彼時答無來
劉媽見伊無答言　假欲拿棍打伊人　賤婢若不快快呾　口嚇欲打心不甘
慧娘見母目金金　悞伊欲打是真心　只事料定瞞不得　不如共母實說明
求我爹娘將我聽　辭了斐家個親情　配與玉郎成雙對　就袂失節敗名聲
倘若不肯聽我言　我定自盡歸陰間　叫聲母親尔勿打　容子實呾不包藏