本页已校对
拍玘坐定血滿身 叫玘金錠說一言 金錠見弟命以死 放声大哭泪淋々
石氏大声叱罵伊 賎婢若敢哭啼々 成手将尔來仝杀 快去取水勿延遲
金錠無奈取水來 石氏洗手暗京駭 換了一身血衫庫 鉄石心肝不悲哀
身屍如何来藏𥅽 就想一计在心机 叫子金錠內面去 取一缸仔来到边
就好将屍来𠬧埋 埋放后头谁人知 主意已定在心内 忽見金錠取缸来
放在伊母个身边 暗流目汁不敢啼 石氏将缸安排好 就去𠬧拾子身屍
一塊一塊持出來 全無半点心京该 个头双手身二半 双脚共湊七塊來
一斉装落在缸中 滿床血跡绀々紅 用水洗到具潔净 叫子金锭来相邦
