本页已校对
第二十九課 靠人不如靠己
古時有一個最出名的大力士，有一日行行街遇見一架馬車， 裝滿重野，佢個車輪藏唨入去泥湴好深，個隻馬出盡力拉嚟 拉去，都無能拉得個車輪上嚟，就有好多人𨀣處圍住嚟睇， 有的人就話，𢴕條鞭打行隻馬就得嘞，又有的人就話，拉行 隻馬就得嘞，亦有的人就話，推行架車就得嘞，總而言之個 個人，都係俾把口喺處咁講，無一個人肯郁手嚟做，後來有 的人睇見，𱒲個大力士𨀣喺處嚀嚀吓個頭，有一個就開口話 ，你哋睇吓，有個大力士已經喺處，我哋使乜咁巴閉啫，呌 聲個大力士郁一吓手，將個車輪抽吓就番上嚟喇，於是個個 人都齊口合聲，呌𱒲個大力士帮助，但呢個大力士就答話， 我出嚟唔使人求我至嚟帮助人嘅，但係睇見你哋咁多人喺處 ，都係得把口又話咁又話咁，都唔見你哋有一個人落過手，
