本页已校对
若果你哋郁過手，確係自己唔得我就早已帮你整唨出嚟，但 係你哋而家自己，都重唔郁手，只想倚靠人家，自己唔使出 力，我估世間無呢種，咁笨嘅嚟帮助人嘅人呀，講完就扯去
呢段故事敎訓我哋人，凡事須先要盡自己力去做，若果 自己做過確實係做唔嚟，咁就自然噲有人嚟帮助自己， 到確係無人嚟帮自己之時，然後至開口求人，就不噲俾 人値口推辭咯。
第三十課 守財奴之苦楚
有個鄉下公辛苦唨成世咁耐，積蓄埋有好多金錢，就將嚟買 唨一大錠黃金，擠喺屋𨀣處，終日門口都唔出，甚至去厠所 出恭個心都唔安樂，晚晚瞓都瞓唔入眼，因爲怕人家嚟偸唨 佢嘅，後來聽見人話最好法子，係搵一笪靜中嘅地方，唔俾 有人知到嘅，嚟掘一個吼將佢嚟𭢁唨落去，咁就唔怕人偸搶
