翻译:惡之華/毀滅

毀滅
作者：夏爾·皮耶·波德萊爾
譯者：木枚

本作品收錄於《Translation:惡之華》

魔鬼喺我側邊一直都好唔安分，
佢縈繞住我，似陣空氣無法碰觸，
我吞咗佢，感覺到佢喺我肺內如焚，
喺肺內灌滿永恆而罪孽之慾。

佢明白我對藝術嘅濃烈愛意，
有時化身成天香國色，
然後以偽善又似是疑非嘅托辭
令我嘴唇習慣不祥嘅魔液。

我氣喘吁吁，身心疲弊，
佢噉樣帶我遠離上帝視野範圍
入到名為厭悶嘅平原，廣博無人，
朝住我充滿疑惑嘅雙眼
投擲邋遢嘅衫、開敞嘅傷痕、
同毀滅嘅血淋淋嘅機關!