翻译:冇你

冇你
作者：弗拉基米尔·泽连斯基
2022年

俄羅斯喺烏克蘭東部反攻中被打敗咗之後，就用導彈襲擊咗多個烏克蘭嘅民用基礎設施。跟住，呢篇作品喺2022年9月11號喺烏克蘭總統官方Telegram頻道發布咗。来源：官方Telegram頻道原文

就算俾黑暗隔住，烏克蘭同文明世界都清楚睇到依啲恐怖行徑。俄羅斯特登憤世嫉俗咁用飛彈攻擊民用關鍵基礎設施，而唔係軍事設施。哈爾科夫同頓內茨克州斷電。 札波羅熱、第聶伯羅彼得羅夫斯克同蘇梅州都部分停電。

你仲以為我哋係「同一族」？
你仲以為你恐嚇到我哋、打冧到我哋、逼到我哋讓步？
你真係咁懵，乜都唔明？
唔明我哋係乜？唔明我哋為乜？唔明我哋講乜？

同我聽實：
冇天然氣定冇你？冇你。
冇燈照定冇你？冇你。
冇水飲定冇你？冇你。
冇嘢食定冇你？冇你。

對我哋嚟講，凍死、餓死、暗死同渴死，都冇你果啲「兄弟友誼」咁恐怖致命。
但係歷史會將所有嘢擺返落原位。
我哋遲早會有天然氣、有燈照、有水飲、有嘢食……但係冇你！