翻译:惡之華/活火炬

活火炬
作者：夏爾·皮耶·波德萊爾
譯者：木枚

本作品收錄於《Translation:惡之華》

佢哋喺我面前行過，璀璨嘅眼目
一定曾經畀睿智嘅天使賜予磁性，
佢哋行過，神聖嘅兄弟係我嘅手足，
其火焰喺我眼中閃爍不定。

佢哋令我免墮一切陷阱同重罪，
引導我腳步到名為美嘅道路去，
佢哋係我主人，我絕對跟隨，
我全心全意服從呢個活火炬。

迷人嘅雙眼，你秘光閃閃，
恍似蠟燭喺光天化日照明，
太陽染紅，都難扼殺佢嘅奇妙火焰

佢哋讚頌死亡，你高歌甦醒
我嘅靈係光焰不敗於太陽嘅群星，
你高歌我靈魂嘅甦醒，腳步不停。