身体理/论骨
< 身體理
第1节
编辑通身躯兮内面约略有200外枝骨，遮兮骨头相食穿来做一个骨骼；譬如亲像
第2节
编辑骨是不只有路用兮物；一项是会保护内面较软弱，较软兮物；亲像头颅（就是头壳骨）会保护脑，抑是胁骨会保护心佮肺。阁一项，骨是俨硬兮物免得予身躯软软，若无骨侬欲thái会行，会徛？
第3节
编辑遮兮骨通分四款，就是长兮、短兮、扁兮、无形兮（讲无形意思毋是袂看见，是无名通号。）
骨虽然是俨硬兮物，犹久毋是不只重，是轻漂兮物。长骨兮内面有空壳亲像竹管仔，所以会轻阁勇勇。空内有骨髓伫咧，骨髓兮色致黄，会含油。
第4节
编辑遮兮骨是两号质来合成兮，一号是矿物质，一号是生物质。
设使将骨来熬到忝忝，就会得著彼个生物质，就是胶。
抑是骨下伫火来烰，生质就拢总烧去，所留咧是彼个矿物质若定，就是亲像彼个款式。
侬细汉兮时即两号兮质是对半，按呢囡仔兮骨是较软，所以若跋倒就较袂拍折骨头。
到中年有生质一份，矿物质两份，所以骨较硬净。到老，矿物质较济，生质较少，所以老侬兮骨较脆，设使跋倒伊兮骨快快会折。