翻译:恶之华/哀伤同浪荡
| ← | 致殖民地嘅某女士 | 哀伤同浪荡 作者：夏尔·皮耶·波德莱尔 译者：木枚 |
猫 |
|
阿加特，你嘅心系咪有时会起飞
远离污秽城市嘅黑色海洋，
去到另一个海，嗰度光彩明熙，
好似童贞咁苍蓝、澄明、同深长?
阿加特，你嘅心系咪有时会起飞?
海，无边嘅海，将我哋嘅劳累抚揉!
怒号狂风嘅管风琴伴奏，
边个魔鬼钟情海呢个沙声嘅歌手
又将摇篮般嘅崇高能耐向佢赐授?
海，无边嘅海，将我哋嘅劳累抚揉!
马车，送我一程!战舰，请带我走!
高飞远走!我哋嘅泪诞自泥污!
阿加特忧伤嘅心系咪有时会开口:
“远离悔恨、罪恶同痛苦，
马车，送我一程，战舰，请带我走?”
翠海香天，你离我好遥远，
喺你嘅苍蓝底下只有情爱同快活
一切被爱嘅都值得被眷恋，
人心都畀纯粹嘅狂喜淹没!
翠海香天，你离我好遥远!
但两小无猜嘅碧绿乐园，
悠游、唱和、亲吻、花束
小提琴声响自山岭后端，
夜晚伴随金樽同草木，
但两小无猜嘅碧绿乐园，
无邪乐园，充满短暂快乐，
系咪仲远过印度同中国?
我哋可以用哀叫令佢回溯，
以银铃般嘅声线将佢重新活络，
嗰个无邪乐园充满短暂快乐?
