翻译:恶之华/圣彼得不认主
| ← | 情爱与头颅 | 圣彼得不认主 作者：夏尔·皮耶·波德莱尔 译者：木枚 |
亚伯同该隐 |
|
诅咒浪潮昼夜奔向亲爱嘅炽天使，
神对此又有何计可施?
就似个暴君肉林酒池，
喺我哋恐怖嘅渎神柔声委身睡意。
烈士同受虐者嘅号哭
无疑系令人心醉嘅交响曲，
而佢哋嘅愉悦所花费嘅血都不足
令上天嘅欲望有丝毫平复!
—啊!耶稣，快啲回忆返橄榄乡!
邪恶嘅刽子手硾击你嘅活体，
你出于纯朴跪地祈求嘅嗰位
正喺天上嘲笑铁钉嘅声响，
当你见到贩夫走卒嘅无赖，
对住你嘅神灵吐口水，
又当你感觉到荆棘深坠
头壳，入面蕴含苍生之博大。
当你嘅身体畀惊人嘅担子压垮，
再展开一对鼓胀嘅手臂，当你血液
同汗水喺越发苍白嘅额头游弋，
当你喺众人面前摆好姿势，似个靶，
你有冇幻想过咁耀眼美妙嘅日子，
就系你为咗实现永恒承诺而嚟到，
骑上一只温驯嘅驴，
践踏道上一切花丛同树枝，
你内心因希望同勇气而胀卜卜
而狠毒鞭打呢堆仆街商人之后，
你最终会变成主宰?啖悔疚
又有冇比刺枪更能穿透你嘅胁腹?
—当然，至于我，我会走嘅，满足于
行动同幻想并无结成金兰嘅时世，
愿剃人头者如我嘅头亦为人所剃!
圣彼得冇认耶稣......佢做得恰到好处!
