翻譯:惡之華/血泉

血泉
作者：夏爾·皮耶·波德萊爾
譯者：木枚

本作品收錄於《Translation:惡之華》

有時覺得我啲血一浪浪奔流，
就好似個泉嘅哭泣順住節奏。
佢流動伴隨嘅悠長呢喃聲音確鏧，
我喺自己身上搵傷口但遍尋不獲。

佢就好似從封閉嘅田野遁逃，
越過城市，將卵石變做小島，
叫滋潤眾生嘅甘霖光降，
染紅大自然嘅四面八方。

我經常叫金玉其外嘅酒精
令侵蝕我嘅驚恐一日不醒，
酒可以令我耳目更加聰明!

我尋覓善忘嘅睡夢於愛情，
但愛情對我嚟講只係如睡針氈，
為咗將殘忍嘅女仔嘅欲望充填。