帝女花/庵遇

帝女花
庵遇
作者：唐滌生
1957年

（長平「道姑身」挽舊破竹籃，背塵拂上介起小曲雪中燕）孤清清，路靜靜，呢朵劫後帝女花，怎能受斜風雪淒勁，滄桑一載裏，餐風雨，續我殘餘命，鴛鴦劫後此生更不復染傷春症，心好似月掛銀河靜，身好似夜鬼誰能認，劫後弄玉怕簫聲，說甚麼連理能同命。

（反線二王）念國亡父崩母縊，妹夭，弟離，剩我借一死避世敲經，孰憐駙馬空枉有誓盟定，怕憶劫後情，誰願再認，只有落葉伴殘命，一哭國土血尚腥，再哭父死未得葬皇陵，奈何佛法難護庇唉枉敲青磬。

（音樂過序）（續唱）盡帝女念盡阿彌，難把國魂，喚醒。

（白）老姑姑都已經在月前死去，呢個新嚟嘅主持但都未識得帝女花飄，更末解憐香惜玉，當此快雪初晴，便命我把山柴拾取，唉，

（詩白）正是不求樂昌圓破鏡，只憑魂夢哭皇陵。（黯然下介）

（世顯上介慢板下句）我飄零猶似斷蓬船，慘澹更如無家犬，哭此日山河易主，痛先帝白練無情。歌罷酒筵空，夢斷巫山鳳，雪膚花貌化遊魂，玉砌珠簾皆血影。幸有涕淚哭茶庵，愧無青塚祭芳魂，落花已隨波浪去，不復有粉剩脂零。

（起小曲寄生草）冷冷雪蝶臨梅嶺，曲中弦斷香銷劫後城，此日紅閣有誰個悼崇禎，我燈昏夢醒哭祭茶亭；釵分玉碎想殉身歸幽冥，帝后遺骸誰願領。碧血積荒徑。

（長平「經已取得少許山柴」食住從殘橋上介接唱）雪中燕已是埋名和換姓，今生長願拜觀音掃銀瓶。（並不看見世顯直入維摩庵並掩門介）

（世顯覺得道姑酷似宮主白）哎吔，點解呢個道姑咐似長平宮主呢嚇，莫不是宮主但幽魂現眼

（介）唔會嘅，就算系宮主幽魂現眼，都唔會系道姑打扮，（介）莫不是宮主但假託夭亡避世，尚在人間，呀，我記得叻，我記得宮主夭亡之日，是我殉愛之時，周家瑞蘭佢曾經有一句相關說話，佢話，有緣生死能相會，無情對面不相逢，呀，莫不是有蹺蹊在內，唔得，等我扣門一問至得，呀，呢處系清蓮界庵堂地，我要稍存禮貌，都未敢造次。

（斯斯文文上前敲門介）師傅，開門。

（長平開門重一才慢的的先鋒鈸複掩門）（世顯白）唉吔，點解，但閉門不納，事更可疑，待我沖門而進。

（長平冶然問白）請問呢位施主沖門，是借茶還是拜佛？

（世顯白）師傅，我一不是借茶，二不是拜佛，我有句說話，想求師傅你點化啫，你何以閉門不納呢？

（長平白）庵內無人，主持未返，俗世男女都尚且授受不親，又何況佛門清淨地。

（世顯白）我，師傅有禮。

（一揖）（長平還揖介白）施主有禮。

（世顯苦笑口古）師傅，你系一個出家人，容我問一句塵俗話，所謂劫火餘生，恍如隔世，雖則難記興亡事，花月總留痕……我……我同亞道姑好似曾相識，望你把前塵細認。

（長平故作驚羞狀口古）施主，想貧道半世清修都未經劫火，世外人十年來都只知敲經念佛，幾曾沾染俗世風情。

（世顯白）你系出家人講清修，我地俗世人講俗話，所以俗語都有話，山居方一日，世上已千年。你所謂十載敲經，莫不是比如一年念佛咋卦，照我睇亞道姑你，你守誡清修，最多不過系一年光景。

（長平白）唉吔，施主，照我睇你系一個讀書人，似乎的說話唔應該講得咐輕薄噃，貧道入庵十年都尚有主持可證，呀，須知不是可憐人，都不入清規地，既入清規地，出語寧有不成呢，

（世顯黯然歎息悲咽口古）唉，師傅，我不是傷心人，都不作傷心語，既是傷心人，才有錯把曇花當作宮花認啫。

（長平見狀略不忍介口古）哦，施主，原來你唔系一個輕薄兒，卻是一個滄桑客，好啦，等我番入去代你燒多柱香，望觀音大士但慈航普渡，保佑你福壽康寧。

（世顯故意口古）咐多謝叻，呀，師傅，我應該長拜佛門慈悲嘅。一問道姑你貴姓呀。

（長平還揖介口古）嘢……，貧道俗身姓沈，法號慧清。

（世顯起唱古譜秋江哭別）（連板面唱）飄渺間往事如夢情難認。百劫重逢緣何埋舊姓，夫妻斷了情，唉鴛鴦已定，唉烽煙已靖，我偷偷相試佢未吐真情令我驚。

（長平接唱）唉夭折紅顏命，我願棄凡塵伴紅魚和青磬。敲經斷俗世情，雖則烽煙已靖，須知罡風也勁。守身應要避世休談愛戀經

（世顯接唱）論理佢應該把夫婿認，複合了偷偷暗中喚句卿卿。

（序）（細聲叫白）唉，徽妮，宮主。

（長平詐作愕然介白）唉吔，施主你叫喚何人？

（世顯白）我叫喚宮主。

（長平白）宮主系施主何人？

（世顯白）喚，宮主系我個妻房。

（長平白）嚇，施主你叫喚妻房，應該在家中叫，房中叫。何解會叫到佛門清靜地嘅呢。

（接唱）俗世塵緣事我唔願聽，你莫尋偶清規地，將觀音兩番誤作湘卿，你似瘋顛。我不禁失驚，暗中念句真經，我今已將剃度半生夢已醒。勸君休錯認，我才十歲，經棲身歸依佛法一心拜神靈。

（世顯食住序台口白）嚇，乜你咐忍心真系唔肯認我，試問誰無骨肉之親，誰無父女之情呢。等我講嚇先帝崇禎嘅慘事，若果但喊親呢，不問而知就梗系宮主叻，等我試嚇你至得。

（接唱）複複向前朝認，歎崇禎巢破家傾，你可有為佢沉痛沉痛敲經；靈台裏，歎孤清，月照泉台靜，一對蠟燭也無人奉敬。

（長平失聲痛哭介）（世顯白）唉吔！師傅，乜你喊呀，呀，唔通你就系宮主。

（長平愕然不知所答介）（白）施主，你錯咯，皇帝系為我地而死嘅，試問我地又點可以唔喊呢。

（悲咽接唱）我哭故國凋零，問誰個能忘佢自縊在紅閣，謝民愛甘犧牲性命；感先帝哭絕了聲。（世顯接唱）深宮裏有朵帝女花，但嘅佢慘處你可再願細聽。

（長平接唱）帝女花已遭劫難我不願再聽，怕荒山冷靜，誰願與君孤單相對，犯了清規玷辱了名。

（序白）施主，我都知道你系一個傷心人，但可惜呢處晤系傷心地，恕貧道不能奉陪，我告退叻，阿彌陀佛。（欲下介）

（世顯搶住叫白）唉吔，師傅你唔好行住，我想求嚇你。（接唱）帶我去燒香懺嚇舊情。

（欲入庵）（長平以塵拂攔住接唱）仙庵寶殿多清淨，不要凡人妄敲經。莫忘形，勸君勸君再莫染情狂病，更未許再留停。

（世顯白）師傅，要你帶我入去燒炷香你都話唔肯，你唔帶我我自己去。（向庵一沖二沖三沖介）