翻译:惡之華/墮落嘅繆思

墮落嘅繆思
作者：夏爾·皮耶·波德萊爾
譯者：木枚

本作品收錄於《Translation:惡之華》

宏偉嘅牆上嘅古老迴廊，
用畫陳列住神聖真理，
佢溫暖人虔誠嘅五臟，
平伏刻苦樸實嘅寒氣。

因基督而盛開嘅花無法抑壓，
當時嘅名僧，今人所知無多，
佢哋喺墓地開壇作法，
樸素無華噉為死亡謳歌。

邪惡嘅修士，我嘅靈魂係黃泉，
我喺度穿梭又寄居，直到永遠。
迴廊嗰垏乞人憎嘅牆，了無生趣。

懶惰嘅修士!我幾時先可以去
將我受罪嗰陣見者傷心嘅洋相
化成作品同令我愉快嘅景象?