翻译:惡之華/我愛你正如我愛夜晚嘅墓室

我愛你正如我愛夜晚嘅墓室
作者：夏爾·皮耶·波德萊爾
譯者：木枚

本作品收錄於《惡之華》

我愛你正如我愛夜晚嘅墓穴，
傷悲嘅花樽無話可說，
你令我嘅黑夜更優美，
你越迴避我，我就越鍾情於你，
就越諷刺噉出現更多空間
分隔我雙臂同嗰片湛藍嘅無限。

我衝鋒，奮起，侵犯，進攻，
好似追住死屍嘅蛆蟲。
堅靭不屈又殘忍嘅禽獸！
我連令你更吸引嘅冰涼都想保守。