翻译:惡之華/敵人

敵人
作者：夏爾·皮耶·波德萊爾
譯者：木枚

本作品收錄於《Translation:惡之華》

我嘅青春只係個黑暗嘅風暴，
間唔中有耀眼陽光照入嚟。
噉嘅亂局由狂風響雷營造，
我花園嘅熟成果實冇晒咁滯。

我已經觸碰到文思嘅深秋，
水將地下浸出大窿，似墳墓。
係時候執鏟同耙喺手，
再修復被浸壞嘅地土。

被洗刷嘅土壤彷如礫瓦，
有邊個知我夢見嘅新花，
會喺入面搵到神秘養分?
可憐啊，可憐啊，歲月唔留情，
侵蝕我哋心腸嘅敵人，
借我哋流出嘅血而繁榮!