翻译:恶之华/敌人

敌人
作者：夏尔·皮耶·波德莱尔
译者：木枚

本作品收录于《Translation:恶之华》

我嘅青春只系个黑暗嘅风暴，
间唔中有耀眼阳光照入嚟。
啖嘅乱局由狂风响雷营造，
我花园嘅熟成果实冇晒咁滞。

我已经触碰到文思嘅深秋，
水将地下浸出大窿，似坟墓。
系时候执铲同耙喺手，
再修复被浸坏嘅地土。

被洗刷嘅土壤彷如砾瓦，
有边个知我梦见嘅新花，
会喺入面揾到神秘养分?
可怜啊，可怜啊，岁月唔留情，
侵蚀我哋心肠嘅敌人，
借我哋流出嘅血而繁荣!