翻译:恶之华/亚伯同该隐
| ← | 圣彼得不认主 | 亚伯同该隐 作者：夏尔·皮耶·波德莱尔 译者：木枚 |
撒旦嘅连祷文 |
|
壹
I
亚伯一族，安睡饮食，
神向你报以和蔼笑面。
该隐一族，陷于粪溺，
匍匐，然后死得可怜。
亚伯一族，你嘅献奉
叫炽天使面露喜悦!
该隐一族，你嘅苦痛
要几时先可以断绝?
亚伯一族，你望一望
你嘅种子同家畜接踵而嚟，
该隐一族，你嘅内脏
似老狗啖因为肚饿而叫吠。
亚伯一族，用祖传壁炉口
将肚腹温烫，
该隐一族，喺自己嘅窦
打冷震，可怜嘅豺狼!
亚伯一族，相亲相爱再多结果子!
你嘅黄金一样儿孙满堂。
该隐一族，其心燃烧热炽，
要小心诸种巨大嘅欲望。
亚伯一族，你扩张再蚕蚀
恍似害虫身处树木!
该隐一族，家人亲戚，
绵延喺路上进退维谷。
贰
II
啊!亚伯一族，你嘅尸身
令生烟嘅土地更肥沃!
该隐一族，你嘅辛勤
系有付出但并不足。
亚伯一族，你嘅耻辱由以下可见:
就系剑竟然输畀矛!
该隐一族，登上苍天
捉住上帝向地上抛。
