翻译:恶之华/傲慢嘅报应

傲慢嘅报应
作者：夏尔·皮耶·波德莱尔
译者：木枚

本作品收录于《Translation:恶之华》

喺呢个美好嘅时代，
神学充满朝气盛开。
听讲有日有个博士学识最广，
佢夹硬攻破冷若冰霜嘅心房，

喺深渊中将佢哋撩拨，
引向嘅灵道光明广阔，
条路佢自己都唔太清楚，
或者只系得圣灵先嚟过，
佢好似啲人爬得太高被吓坏，
喺魔鬼般嘅傲慢中忘我大嗌:
“圣婴啊圣婴，我将你高举，
但如果我进犯你盔甲嘅空虚，
你嘅耻辱就会同荣耀一样多，
不折不扣成为可笑嘅细路哥。”

话音未落，佢失去咗自制，
有层纱隔开太阳嘅光辉，
混沌喺佢个脑唔再隐蔽，
曾经活生生嘅神庙，井然华丽，
华盖下欢宴之盛难计。
当静默同黑夜喺佢其内依栖，
宛如喺不得其门而入嘅墓位。
自此佢睇落似禽兽喺路际，
当佢离开，目空一切，
越过田地，不分四季，
邋遢冇用又丑陋，如事物作废，
呢个笑柄，专为细路带嚟快慰。