翻译:恶之华/受诅嘅女人(德尔芬同希波吕塔)
| ← | 列斯伏斯岛 | 受诅嘅女人(德尔芬同希波吕塔) 作者：夏尔·皮耶·波德莱尔 译者：木枚 |
受诅嘅女人 |
|
怠惰灯火嘅苍白光辉，
其所在嘅软垫浸淫住香味，
希波吕塔梦中见到嘅系，
有力嘅爱抚将佢懵懂嘅轻纱揭起。
佢寻寻觅觅，眼神因风暴变忧愁，
相对佢嘅幼稚，天空早已遥遥领先，
就似个旅人拎返转头，
睇睇朝早掠过咗嘅蓝色地平线。
佢慵懒泪水所在嘅眼光彩无几、
受挫嘅神态、呆滞、哀怨嘅狂喜、
敞开如好虚荣嘅兵器嘅颓靡双臂、
一切都显露住脆弱嘅美。
两脚伸张，冷静又充满欢喜，
德尔芬以热切嘅双眼筹备，
似只猛兽喺猎物身上用牙标记，
再喺佢身边监视不寐。
有力嘅美跪喺纤弱嘅美面前，
绝美嘅佢放纵啖吸入
胜利嘅美酒，再喺佢身边伸展，
就似将温柔嘅谢意采拾。
佢带住苍白嘅受害人嘅眼寻觅
由快乐唱出嘅沉默赞美音色，
佢所揾嘅无限而崇高嘅感激，
就好似长叹从眉目中逃匿。
“亲爱嘅希波吕塔，你有咩谂法?
你知唔知而家并唔应当
将对你初生玫瑰嘅神圣屠杀，
献畀残酷微风搞到佢哋凋亡?
我嘅亲吻微不足道，
如蜉蝣抚摸巨大夜湖嘅琉璃，
你爱人嘅吻挖出一道道槽，
似足战车同耙犁所向披靡。
佢哋似喺你上面经过似行旅大批，
踏住牛马无情嘅铁蹄，
希波吕塔，我嘅姐妹!拧转面过嚟，
你，系我嘅灵同心、另一半同全体，
将你充满湛蓝同星辰嘅眼望向我!
为咗眼神之魅力，膏药嘅神圣，
我会揭起最暧昧嘅快乐嘅纱罗，
再氹你入睡，进入无尽嘅梦境!”
但希波吕塔，抬起青春嘅面容:
“我并唔系不知感恩同忏悔，
我嘅德尔芬，我痛苦又忧心忡忡，
就好似深宵而可怕嘅宴会。
我感觉到沉重嘅惊恐
同四散嘅魅影幢幢，
佢哋想引领我到嘅路时常流动，
再畀残忍嘅地平线包得水泄不通。
我哋系咪做咗件怪异嘅举止?
麻烦你解释下我嘅烦恼同恐惧:
当你同我讲‘我嘅天使!’
我惊到震，但感觉到个嘴向你奔去。
我嘅思绪，你唔好啖样望住我!
我严选嘅姐妹，我嘅爱永不停止，
即使你会系个处心积虑嘅陷阱，
同埋象征我嘅破灭嘅开始!”
德尔芬抖动佢悲剧嘅鬃毛，
仿佛喺铁脚架上用力踏足，
不祥嘅眼用霸道嘅声道相告:
“边个敢喺爱面前提及地狱?
愿无用嘅空想家遭受果报，
佢前无古人，出于自己嘅愚蠢，
对个无解又徒劳嘅问题爱慕，
想喺情爱之事夹杂诚信!
喺奥妙嘅谐和入边，有人想
统合阴影同热力、黑夜同白昼，
佢哋冇得用被命名为爱嘅红阳
去温暖佢麻痹嘅身躯，直到永久!
走啦，你想嘅话，去揾个蠢老公，
向佢残忍嘅亲吻将纯洁心肠提供。
然后，怀住满满懊悔同惊恐，
你会为我带嚟受沾污嘅双胸......
呢度一人不能侍二主!”
但个细路，如卸下痛苦嘅庞大深沉，
突然大嗌:“擘大口嘅深渊身处
我嘅身心不断扩张，深渊即我心!
佢如火山炙热，如虚空深邃!
冇嘢可以满足呢只呻吟嘅怪兽
并且将奥墨尼德斯嘅饥渴消除，
佢燃烧自己嘅血，火把在手。
但愿紧闭嘅窗帘将我哋与世隔绝，
疲惫可以令我哋好好休养!
我想喺你深厚脯自我了决，
喺你嘅乳房觅得坟墓嘅清凉。
降临啦，降临啦，可悲嘅受害人，
请降临自永恒地狱嘅道路，
再向幽壑最深之处投身，
嗰度鞭打诸罪嘅风唔系由天吹到，
纷杂嘅乱局被烹煮于风暴嘅声噪。
狂乱之影，朝住你欲望嘅目朝疾行。
你永远都平息唔到自己嘅狂怒，
而你嘅惩罚又因快乐而生。
一丝清光都未曾将你嘅洞穴照见，
狂乱嘅恶臭从墙罅渗出嚟，
一边好似灯笼啖点燃，
用佢可怕嘅香气贯穿你嘅身体。
你嘅愉悦粗糙而无种，
一改你嘅饥渴，硬直你嘅外皮，
而强烈欲望嘅乱风，
拍打你嘅血肉，似块残旧嘅旗。
远离流浪又受诅嘅活人，
越过沙漠，就似狼飞奔，
去命运自决，混沌嘅灵魂，
逃离你心怀嘅壮阔无垠!
