翻译:恶之华/告解
| ← | 逆转 | 吿解 作者：夏尔·皮耶·波德莱尔 译者：木枚 |
灵性嘅曙光 |
|
有次有个独行、亲切又甜美嘅女人
将手靠喺我只手
(喺我漆黑深层嘅灵魂
呢个回忆永垂不朽)，
天色已晚，满月朗朗，
似块奖牌啱啱新制，
夜晚嘅庄严，似条大江，
滚滚穿过入梦嘅巴黎。
喺屋旁边，马车门底，
啲猫偷偷行经，
竖起耳仔，慢慢跟嚟，
似被宠爱嘅影。
嗰阵我哋促膝把臂，
突然有嘢孵化自洁白嘅光幕
自你，呢个丰富又响亮嘅乐器，
会奏鸣嘅只有发光嘅欢乐，
自你，本身明朗又欢快，
似耀眼朝早嘅号角，
有个音符哀怨又奇怪，
自你漏出，蹒跚跌宕，
似个瘦弱、恐怖、阴沉、污秽嘅细路
令家族面上愧色满布，
一直佢哋都唔将其存在向人昭告，
偷偷收佢喺地窖度。
阴公嘅天使歌唱，以花哨音色:
“呢度冇一样嘢系确定，
无论佢点将其藏匿，
人类嘅自大都不证自明。
做个靓女都唔轻省，
呢个都系舞者死板嘅工作，
佢疯狂而冰冷，
喺机械式啖微笑嗰阵失去知觉。
喺心灵上建立任何嘢都系傻，
爱同美，所有嘢都会烂，
直到遗忘将佢哋掉入个箩，
再向永恒归还。”
我经常喺心灵嘅告解室
唤起呢个附咗魔嘅月亮、
呢种沉默、懒逸、
低声诉尽骇人嘅衷肠。
