翻译:恶之华/我钟意追忆呢啲赤裸嘅年代

我钟意追忆呢啲赤裸嘅年代
作者：夏尔·皮耶·波德莱尔
译者：木枚

本作品收录于《Translation:恶之华》

我钟意追忆呢啲赤裸嘅年代，
阿波罗乐意喺雕像镀上金彩。
男女轻易交欢，
无忧亦唔相瞒。
上天爱抚佢背脊嘅肌理，
活络下呢部高贵嘅机器。
西贝利不吝赐下佢嘅累累果实，
唔觉得佢子孙系件累赘嘅事物。
但母狼心广，佢嘅爱个个都有，
佢啡色嘅乳头喂哺全宇宙。
君子刚强壮胆，凭风采称王
配得起洋洋得意嘅轻狂。
果子完好，未招镰刀乱斩，
肉饱质滑，更引獠牙大啖!

诗人喺此时此际，
正畀幽暗嘅寒意包围，
想像紧盘古开天时嘅宏伟，
嗰阵男女仲系赤身露体。
如此阴森嘅景象惊世骇俗。
啖嘅打扮叫恶徒都哀哭!
咁可笑嘅肉体，都系揾块布遮一遮，
瘦弱又岩巉，赘肉生得狂野，
畀全能、坚定又沉著嘅神
趁佢仲细，用青铜嘅襁褓包紧。
你班女人面如白蜡，未识鱼水之欢，
却因放荡而消瘦同丰满，
其丑恶同血缘，
借母亲嘅恶意代代相传。

堕落嘅子民，我同你哋讲件真事
我哋有种美系古老嘅民族唔知:
溃烂嘅内心将五官凌迟，
好似慵懒之为美嘅标志。
迟钝嘅缪斯脑入边嘅子虚乌有，
唔可以将呢个种族嘅病态驱走，
佢哋对青春，神圣嘅青春深深致敬，
态度朴实，眉宇间带柔情，
双眼晶莹透澈，如流水
覆盖地上万物。无忧无虑
如蓝天、如飞鸟、如嫣红姹紫
如其芬芳、其歌喉、其温柔暖意。