翻译:恶之华/玻璃樽

玻璃樽
作者：夏尔·皮耶·波德莱尔
译者：木枚

本作品收录于《Translation:恶之华》

有种强烈到可穿透万物嘅香气，
啲人话佢会贯穿玻璃。
有座棺木嚟自东方，
开嗰阵嘎嘎作响，尖叫抵抗

某荒废嘅房间入边有个衣柜，
充满岁月嘅酸蚀味，多尘又阴翳，
有时会见到承载住回忆嘅樽仔，
灵动嘅灵魂回归，喺入边跳出嚟。

千思万绪螫伏，如死一般嘅蛹，
喺沉重嘅黑暗轻轻抖动，
佢被苍蓝沾染、粉红包裹、金黄点缀，
抽出双翼一飞而去。

叫人神迷嘅回忆飞旋
于纷扰嘅空气，闭上双眼。晕眩
俘虏失意嘅灵魂，双手将佢推转
畀人间渣滓嘅黑暗深渊。

佢掉佢喺俗世深渊嘅边缘度，
拉撒路喺度撕烂佢嘅裹尸布，
旧爱腐烂、迷人、阴森似坟冢，
其如魅嘅尸体一边觉醒一边作动。

于是当我喺人间嘅回忆迷走，
当我会被弃喺不祥衣柜嘅角落头，
个旧樽仔见者犹怜、老朽又铺满尘
邋遢、卑贱、黐𥹉𥹉仲有裂痕，

可爱嘅瘟疫，我装载你嘅尸身，
系你力量同毒性嘅见证人，
同天使特制嘅珍贵毒材!
消蚀我嘅烈酒，叫我嘅心死去活来。