翻译:恶之华/异国香水

异国香水
作者：夏尔·皮耶·波德莱尔
译者：木枚

本作品收录于《恶之华》

当我喺炎热嘅秋夜闭眼，
吸入你温暖胸膛嘅芳香，
再睇住快乐嘅海岸延长，
佢被单调阳光照得璀璨。

大自然赐畀呢座慵懒嘅岛
奇特嘅树木同好味嘅果实，
赐下男人，苗条又精力满溢，
同女人双目诚恳得叫人失措。

你嘅气味带我到迷人国度，
我见到帆同桅喺码头满布，
畀海浪搞到一副疲容，

青绿罗望子嘅芳香，
萦烧喺空中，令我鼻窿胀肿，
交融我灵魂中水手嘅放声高唱。