翻译:恶之华/阳光

阳光
作者：夏尔·皮耶·波德莱尔
译者：木枚

本作品收录于《恶之华》

老旧街道两旁，百叶窗挂喺烂屋，
藏匿住不为人知嘅肉欲，
当变本加厉恶毒嘅太阳，
普照喺都城、田地、屋顶同麦田上，
我会喺路上独自练习精湛剑术，
上下求索，揾灵光一闪嘅格律，
好似喺石仔路啖，喺文字上跌撞，
有时就撞著一直梦寐以求嘅诗行。

呢个再生父母驱除疫病，
喺花田将诗句当玫瑰啖唤醒。
佢叫世上嘅忧虑消散到天日，
再往头壳同蜂巢灌满蜜。
佢叫拄杖嘅返老还童、
喜乐悦目，似少女面容，
不灭嘅心灵渴望繁花加增，
喺佢麾下都五谷丰登!

当佢好似诗人啖临到，
凡卑下嘅，都升为高，
佢似皇袍加身，唔带随从，
静静亲临天下嘅病榻同王宫。