翻譯:惡之華/憂鬱(天空低垂......)

憂鬱(天空低垂......)
作者：夏爾·皮耶·波德萊爾
譯者：木枚

本作品收錄於《Translation:惡之華》

天空低垂，如蓋重壓靈魂，
佢俘於長久嘅嫌悶，不住呻吟。
地平線將一切抱緊，
佢倒出嘅太陽比種種黑夜都陰沉。

當地球被變成潮濕嘅地牢，
希望喺嗰度就好似蝙蝠，
用怕事嘅翼擊打牆堵，
以頭向腐敗嘅天花板抵觸。

舖天蓋地嘅連綿大雨，
仿效大監獄嘅鐵欄柱，
一大班無聲嘅卑鄙蜘蛛，
結網於我哋腦袋嘅深處。

鐘聲突然發狂噉響，
其向天嘅吶喊可怖，
似靈魂遊離又無鄉，
任自己執迷噉哀號。

一列列靈車，鼓瑟皆無，
喺我靈魂入邊巡遊。希冀，
佢頹靡，流淚;痛苦，佢殘暴，霸道，
都為我排歪咗嘅白骨上敷上黑旗。