翻譯:惡之華/理型

理型
作者：夏爾·皮耶·波德萊爾
譯者：木枚

本作品收錄於《惡之華》

一無是處嘅時代產物殘缺破爛，
書上美侖美奐嘅插圖，
西斑牙舞者嘅半統靴同響板，
呢啲都冇辦法將我個心房填補。

班病嬌嘅妖精吱吱喳喳，
我將佢哋交畀加凡尼，疾苦詩人。
因為我喺呢堆蒼白嘅玫瑰花，
都唔見一朵同我鮮紅嘅理型相近。

馬克白夫人嘅靈魂勇於為惡行，
係我如深淵嘅心嘅良朋，
易斯古羅斯嘅夢朝南風開得張狂，

長夜，你係米開朗基羅嘅千金，
你哋都用奇怪嘅姿態搓撳，
你啱曬泰坦嘴形嘅乳房！