翻譯:惡之華/雲霧蔽天
| ← | 惡之華/毒 | 雲霧蔽天 作者：夏爾·皮耶·波德萊爾 譯者：木枚 |
惡之華/貓 |
|
啲人話你嘅眼神被水汽蓋覆，
你神秘嘅眼(係藍、灰定綠?)
溫柔、恍惚同殘忍交替相隔，
沉思天空嘅傲慢同蒼白。
你憶起雪白、微溫、模糊嘅歲月
佢令著魔嘅心喺淚水融絕，
好折磨嘅痛苦聞所未聞，
神經因佢覺醒，恥笑沉睡嘅靈魂。
你有時似優美嘅地平線，
將霧靄季節嘅太陽點燃，
你光彩照人，似潮濕嘅風景，
煥發喺從朦朧天空降臨嘅光明。
啊危險嘅女人，誘人嘅天氣，
你嘅白雪同冰霧會唔會得我歡喜?
我可唔可以喺你不屈嘅凜冬求索
比冰同鐵更刺骨嘅快樂?
