翻译:惡之華/情侶之酒

情侶之酒
作者：夏爾·皮耶·波德萊爾
譯者：木枚

本作品收錄於《Translation:惡之華》

今日嘅宇宙絕美！
無轡、無刺、無羈，
我哋以酒為馬
奔向夢幻神聖嘅天空下！

等我哋喺朝早嘅藍水晶
追逐遠處嘅幻境！
就似一對天使受虐於
無法平復嘅中暑！

隨住知性嘅旋風，
喺翼上悠悠噉搖擺不定
於某種相若嘅狂喜之中，

姐妹，我哋一齊肩並肩暢泳，
唔唞氣亦都唔暫停，
逃向我嘅幻夢仙境！