翻译:恶之华/你将全世界放喺你嘅床边

你将全世界放喺你嘅床边
作者：夏尔·皮耶·波德莱尔
译者：木枚

本作品收录于《恶之华》

你将全宇宙放喺你嘅床边，
淫妇，无聊令你无法无天！
为咗喺呢个游戏砥砺你嘅獠牙，
日日都要有个心脏摆喺饲料架。
你双眼通明如窗橱，
又恍似夜放花千树，
对暂借嘅魅力不知御勒，
从来唔明白其美嘅法则。

副机器又聋又哑，滋长痛苦不绝，
件工具有益健康，豪饮世界嘅血。
你容颜渐颓唔觉得羞耻？
或者照镜嗰阵唔会注意？

你以为你了解恶嘅伟大，
佢冇教你对恐怖要慎戒，
同时大自然将佢满腹嘅阴谋隐藏，
再利用你呢个女人，罪孽嘅女王，
借你呢只贱种，为将天才培养，

污秽中带卓越，耻辱中带高尚！