翻译:恶之华/倾闲偈

倾闲偈
作者：夏尔·皮耶·波德莱尔
译者：木枚

本作品收录于《Translation:恶之华》

你似秋天优美嘅天空，澄明而桃色。
但我悲从中来如海汐，
一边退潮，一边喺忧郁嘅嘴唇留迹
留低苦涩污泥嘅炙热回忆。

你嘅手徒劳游向我颤抖嘅胸膛，
佢所寻觅嘅，系个地方
已经蹂躏于女人爪牙嘅娼狂。
无谓再揾，我已被禽兽食咗嘅心脏。

我嘅心系座因人群颓靡嘅宫殿，
啲人饮醉、相杀、互相将头发拉扯
有芬芳喺你嘅裸乳流连!......

美人啊，灵魂嘅恶虱，呢个系你要嘅!
以你如节庆璀璨，火焰嘅双眼
燃烧呢堆被禽兽饶恕嘅破烂。