翻译:惡之華/傾閒偈

傾閒偈
作者：夏爾·皮耶·波德萊爾
譯者：木枚

本作品收錄於《Translation:惡之華》

你似秋天優美嘅天空，澄明而桃色。
但我悲從中來如海汐，
一邊退潮，一邊喺憂鬱嘅嘴唇留跡
留低苦澀污泥嘅炙熱回憶。

你嘅手徒勞游向我顫抖嘅胸膛，
佢所尋覓嘅，係個地方
已經蹂躪於女人爪牙嘅娼狂。
無謂再搵，我已被禽獸食咗嘅心臟。

我嘅心係座因人群頹靡嘅宮殿，
啲人飲醉、相殺、互相將頭髮拉扯
有芬芳喺你嘅裸乳流連!......

美人啊，靈魂嘅惡虱，呢個係你要嘅!
以你如節慶璀璨，火焰嘅雙眼
燃燒呢堆被禽獸饒恕嘅破爛。