翻译:恶之华/我献呢首诗畀你，好令我嘅名

我献呢首诗畀你，好令我嘅名
作者：夏尔·皮耶·波德莱尔
译者：木枚

本作品收录于《Translation:恶之华》

我献呢首诗畀你，好令我嘅名
顺住清劲北风扬帆出海，
叫人嘅心思放浪形骸之外，
欢快啖向遥远嘅时代起程。

你嘅记忆，就好似似是而非嘅童话，
况如叫人厌烦嘅鼓，
靠住情同手足又神秘嘅环箍，
一如以往喺我高傲嘅诗行上悬挂。

自深渊嘅底，到苍天之外，
只有我会和应受诅咒嘅存在。
你啊，好似短暂身迹嘅瞬影，

踏住轻盈脚步，眼神静止。
愚昧嘅凡人对你只有厌恶嘅感情，
啊黑玉眼嘅雕像，铜眉嘅天使!