翻译:恶之华/艺术家之死

艺术家之死
作者：夏尔·皮耶·波德莱尔
译者：木枚

本作品收录于《Translation:恶之华》

我要几多次令我嘅铃铛作响，
吻你卑微嘅额头呢个死荫嘅图式？

为咗穿透神秘大自然嘅标的，

我嘅箭袋啊，我要失去几枝标枪？


我哋会为精妙嘅阴谋损耗灵魂，
再将千个沉重嘅枷锁揈甩，

然后思索博大嘅世间万物，

其地狱之欲用哭泣填满我哋全身！


有人对佢哋嘅偶像都唔了解得清，
又有班有耻辱印记嘅受诅雕塑家，

正要对自己嘅心口同额头锤打，

有嘅唯一希望，系谲诡嘅罗马绝岭！
正正系死亡，恍似新日当空，

令佢脑中繁花开个姹紫嫣红！