翻译:恶之华/遗忘河

恶之华/遗忘河
作者：夏尔·皮耶·波德莱尔
译者：木枚

本作品收录于《Translation:恶之华》

借我心胸歇息，无情钝感嘅灵魂，
你系只老虎，被宠爱又体态迟迟
我一直都好想将手指
深陷你嘅鬣毛嘅厚浑。

你嘅衬裙香气苾苾，
将我疼痛嘅头埋藏，
又似朵花已经凋亡，
散发住我失能嘅爱恶臭嘅甜蜜。

我想瞓著，宁愿瞓著都好过生存!
喺呢种同死亡一样舒服嘅沉睡，
我会喺你滑到好似黄铜嘅身驱，
布满亲吻，无悔无怨。

要扼杀埋我平息咗嘅啜泣，
冇嘢比得上你张床嘅深渊，
强大嘅遗忘喺你嘴上留存，
遗忘河借你亲吻流出流入。

我嘅宿命，从此就系我嘅愉悦，
我会顺从被安排嘅命运。
温驯嘅烈士，无辜嘅罪人，
佢哋嘅狂热令其磨难不绝。

为咗淹没我嘅积怨，
我会当系尖乳迷人嘅一端
对猪笼草同上好铁杉吸吮，
佢哋从来都唔将心灵囚于方寸。