翻译:恶之华/雾雨

雾雨
作者：夏尔·皮耶·波德莱尔
译者：木枚

本作品收录于《Translation:恶之华》

晚秋、冬、春，被泥泞填充
催眠嘅时节啊，我热爱又赞颂
你用雾霭嘅裹尸布同迷离嘅坟墓，
包覆我嘅心肠同大脑。

漠漠平原，有自得其乐嘅东南风，
又有风向标嘶哑于长夜中，
我嘅灵魂喺温暖嘅回春会更好
其乌鸦之翼大展鸿图。

对充满死荫事物嘅心嚟讲，
喺其之上，澟冬光降，
无色嘅四季啊，天候嘅女王，

冇嘢温柔得过你淡影嘅永恒一方，
 —除非系要借某无月之夜，成双成对，
喺危机四伏嘅床上令痛苦沉睡。