翻譯:惡之華/霧雨

霧雨
作者：夏爾·皮耶·波德萊爾
譯者：木枚

本作品收錄於《Translation:惡之華》

晚秋、冬、春，被泥濘填充
催眠嘅時節啊，我熱愛又讚頌
你用霧靄嘅裹屍布同迷離嘅墳墓，
包覆我嘅心腸同大腦。

漠漠平原，有自得其樂嘅東南風，
又有風向標嘶啞於長夜中，
我嘅靈魂喺溫暖嘅回春會更好
其烏鴉之翼大展鴻圖。

對充滿死蔭事物嘅心嚟講，
喺其之上，澟冬光降，
無色嘅四季啊，天候嘅女王，

冇嘢溫柔得過你淡影嘅永恆一方，
 —除非係要借某無月之夜，成雙成對，
喺危機四伏嘅床上令痛苦沉睡。