翻譯:惡之華/美

美
作者：夏爾·皮耶·波德萊爾
譯者：木枚

本作品收錄於《Translation:惡之華》

凡人啊，我絕色天香，似石頭嘅夢。
我嘅胸脯令個個撞到到處傷痛，
點燃起詩人心中嘅情種，
如物質沉默而無窮。

我似被誤解嘅獅身人，居天上王位，
將冰霜之心融入天鵝嘅雪白，
最憎人搞亂我啲詩嘅格律同節拍，
而且我一向都唔歡笑又唔哭啼。

我將雕塑威風嘅神態重複，
喺詩人面前，雍容一身，
令佢哋晝夜寒窗苦讀，
為咗吸引乖巧嘅有情人，
我有塊清澈嘅鏡令萬物更亮麗:
我嘅雙眸，大而綻放永恆光輝!