翻译:恶之华/博弈

博弈
作者：夏尔·皮耶·波德莱尔
译者：木枚

本作品收录于《Translation:恶之华》

坐喺颓靡扶手椅上嘅老仕女，
画眉白面，双眼风骚，流淌祸水，
身态矫揉造作，自佢瘦耳一对，
宝石金属碰撞声碎。

绿色毡周围，都系冇嘴唇嘅面
冇血色嘅嘴唇，冇牙嘅下巴，
手指带业火嘅狂热震颤，
喺空虚嘅袋同悸动嘅胸膛搜查。

一排弱光上嘅天花板藏污纳垢，
大油灯将光泽射去
伟大诗人阴沉嘅额头，
佢啱啱先至挥霍完狂野汗水。

呢度有个暗郁场面，喺某晚夜幕，
我雪亮嘅双眼喺梦入面睇住自己，
我身处静默嘅巢穴嘅一角
托住手踭、发冷、沉默、妒忌，

妒忌啲人可以坚韧啖热爱，
妒忌啲老鸡有死荫嘅欢闹，
仲有任何人高兴啖向我扑面而来，
一个就挟带当年勇，一个就美貌!

我嘅心疲于妒忌咁多个可怜鬼，
佢哋狂奔向嘅深渊打紧喊露。
啲人满身自己嘅血污，讲到尾都系
要痛苦同地狱，都唔要死亡同虚无。