翻译:恶之华/欢乐嘅死人

欢乐嘅死人
作者：夏尔·皮耶·波德莱尔
译者：木枚

本作品收录于《Translation:恶之华》

呢片土地有草木同蜗牛遍布，
我想喺度自掘又深又阔嘅墓，
悠闲啖将我嘅骨头细数，
再喺遗忘里沉睡，似鲨鱼身处浪涛。


我憎恨遗嘱，又憎恨丘坟，
与其要哀求世界为我流一滴泪，
我更想请乌鸦喺我仲在生嗰阵，
从我卑鄙嘅抚摸吸干晒血水。

蛆虫啊！你系无耳无目嘅漆黑同伴，
睇下有个死人嚟啦，佢自由又腾欢，
狂欢嘅哲人，腐败之子，

请你穿过我嘅废墟，不带悲切，
啖仲有冇其他折磨，你话我知，
系为老迈空壳、死尸中嘅魁首而设？