翻譯:惡之華/歡樂嘅死人
| ← | 魂魄不散 | 歡樂嘅死人 作者：夏爾·皮耶·波德萊爾 譯者：木枚 |
墳墓 |
|
呢片土地有草木同蝸牛遍佈，
我想喺度自掘又深又闊嘅墓，
悠閒噉將我嘅骨頭細數，
再喺遺忘裡沉睡，似鯊魚身處浪濤。
我憎恨遺囑，又憎恨丘墳，
與其要哀求世界為我流一滴淚，
我更想請烏鴉喺我仲在生嗰陣，
從我卑鄙嘅撫摸吸乾曬血水。
蛆蟲啊！你係無耳無目嘅漆黑同伴，
睇下有個死人嚟啦，佢自由又騰歡，
狂歡嘅哲人，腐敗之子，
請你穿過我嘅廢墟，不帶悲切，
噉仲有冇其他折磨，你話我知，
係為老邁空殼、死屍中嘅魁首而設？
