翻译:恶之华/红酒之魂
| ← | 撒旦嘅连祷文 | 红酒之魂 作者：夏尔·皮耶·波德莱尔 译者：木枚 |
拾荒者之酒 |
|
某晚，红酒之魂喺樽入边歌唱：
“人啊，亲爱嘅你被剥夺继承，
琉璃之狱同腥红之腊喺我之上，
我要向你发出耀眼博爱嘅歌声！
喺火光中嘅山冈，我知需要几分
痛苦、汗水同灼热嘅阳光
先可以令我诞生同赋我灵魂，
但我唔会不知感恩同邪恶狂妄。
因为当我从攰如牛马嘅人嘅喉咙
坠落时嘅喜悦大得不可方物，
佢暖热嘅胸膛系座温柔嘅墓冢，
我系嗰度开心过喺自己嘅斗室。
你有冇听到礼拜日嘅副歌回荡
同喺我震颤嘅膛内啭鸣嘅希望？
你卷起袖，手踭喺台上安放，
你予我荣光，然后自觉舒爽。
我点燃你快活嘅老婆两眸，
给予你个仔力量同光华，
我会成为强化斗士肌肉嘅油，
为咗呢位人生嘅脆弱运动家。
我会堕向你呢个不断滋长嘅仙馐
同由不灭播种者抛掷嘅珍贵种子，
因为我哋嘅爱会赐予诞寿
畀如稀世之花绽向上帝嘅诗！
