翻译:恶之华/猫

猫
作者：夏尔·皮耶·波德莱尔
译者：木枚

本作品收录于《Translation:恶之华》

Le Chat

嚟啦优美嘅猫，嚟我含情嘅心口度，
将你脚上嘅爪收好，
畀我向你嘅美目倾倒，
佢哋蕴含金属同玛脑。

当我嘅手指徐徐
抚摸你嘅头同柔软嘅脊椎，
我只手喺快乐陶醉
去感受你带电嘅身躯。

我睇见我女人容光焕发，佢嘅眼神
好似你呢只得人钟意嘅野兽，
深沉又冰冷，似刺一样尖锐拮人，

同埋由脚到头，
微妙嘅气质，同危险嘅芬芳，
喺佢黝黑嘅身体周围飘荡。

Le Chat

壹
I
佢喺我脑人边散步，
好似喺佢屋企啖样，
呢只猫优美强悍，温柔潇湘。
佢嘅叫声啲人唔系好听得到，

佢嘅声线柔美又朴实，
但当佢复静或低吟
把声就会丰富又深沉，
呢个就系佢嘅魅力同秘密。

呢把声似珍珠落玉盘，
滴穿我最黑暗嘅深处，
似丰饶嘅诗歌将我填注，
似巫药令我腾欢。

佢令最残忍嘅痛苦沉睡，
包藏所有嘅狂悦，
就算佢嘅表达滔滔不绝，
都唔需要任何文章字句。

唔系，佢唔系喺我嘅心上
呢个完美乐器上游曳嘅弓弦，
然后令最波动嘅琴线
高贵啖歌唱，

更胜于你。猫，你玄妙、
纯洁又怪异，
一切喺你里面就似天使，
难以捉摸又谐和协调。

贰
II
从佢啡金相掺嘅毛，
散发极柔美嘅香气，
有晚我畀佢泽披，
我摸咗一次咁多，再多都冇。

呢个系个熟悉嘅灵魂，
佢君临、振奋、赏罚
其帝国辖下嘅万事万物，
佢系咪仙女嚟?定系神?

当我嘅目光好似畀磁铁吸引，
温驯啖返回到
我嘅爱猫度，
然后我睇睇自身，

我震惊啖望见
凝视住我嘅有火光白瞳、
清辉嘅灯笼、
同七彩宝石嘅活灵活现。

Les Chats

狂热者多情，智者刻苦，
佢哋喺结果季节平等爱慕
刚柔并重嘅猫呢啲镇屋之宝，
佢同佢哋一样，怕冻又足不出户。

知识同快活嘅好友
寻觅紧深渊嘅平静同恐怖，
如果佢哋可以放下身段，任怨任劳，
就会畀厄瑞玻斯当系死亡嘅斥候。

佢哋神游，摆出伟大狮身人嘅尊容，
深深躺卧喺孤独之中，
似系喺无尽嘅幻梦沉睡，
佢哋肥沃嘅下身满载奇迹嘅火种
同黄金嘅碎块，仿如细沙散聚，
星罗棋布喺佢玄妙嘅瞳孔。